معهد النفط
معهد النفط من المعاهد المهمه تابع الى وزارة النفط وليس لوزارة التعليم العالي لذلك يكون تقديمه بشكل مباشر عن طريق استمارة خاصه بي يضم اقسام عديده ومختلفه تكون افضليه للقبول للذكور اكثر من الاناث معهد النفط موجود فقط في (البصرة، بغداد، كركوك، بيجي)
س1 /شكد المعدل الي تقبله ؟
معدل قبول البنات من 83_85
ومعدل قبول الولد 93-94
واحتمال توصل للثمانين كله يعتمد على التقديم
والبنات ينقبلن باقسام محدده ومن ضمنهن اعلى الاقسام
( يعني اختصاص يمكن للبنت العمل فيه )
س2 /تعينها مركزي ؟
هو مو مركزي لكن تعينه مضمون احتمال يتاخر شوي .
س3 /بعد الدراسه شنو اكمل دراسه وشلون اتعين ؟
المعهد هو عبارة عن سنتين بعدها التدريب الميداني بلعطله لذلك شهادتك تعادل 3سنوات شهادة المعهد دبلوم بعد تخرج تتعين حسب قسم مالك لذلك الراتب يختلف حسب القسم والشركه تشتغل بيهه .
س4 /اكو. اهلي؟ وشكد تقبل؟ والقسط ؟
لايوجد معهد نفط اهلي .
س5/ الموازي شكد يقبل ؟
لايوجد موازي .
س6/شنو الاقسام الي بي واي واحد الافضل؟
قسم النفط
قسم التصفيه
قسم ميكانيك
قسم كهرباء
كل قسم بي شعب ايضا تختلف من محافظه لاخرى .
س7/ ممكن احول الى كليه هندسه نفط؟
اي يصير اذا كنت من 10%الاوائل بلسنتين مال معهد تكدر تحول كليه نفط ويخيروك بين الهندسه والتعيين لازم تطلع من الربع الاول خلال 4سنين بلكليه حتى ترجع تتعين بلنفط لكن اذا مطلعت ينغلي العقد بينك وبين شركه النفط وتكون حالك حال طالب الهندسه النفط وتبقى تعينك عل وزارة تعليم عالي .
س8/كيف تكون دراستهه ؟
ماكو شي سهل كل كليه بيه صعب وسهل لكن اذا عندك طموح وتريد تطلع اوائل لازم تدرس وتبذل جهد .
س9/المعهد بي مسائي؟
لايوجد مسائي .
نصيحة
الي يريد يرتب حاله ومستقبله لايتردد انو يروح معهد نفط هم تعيينه مضمون وايضا دراسته سنتين بس وبي مخصصات وطبعا دراسته حسب القسم لكن تحتاج اجتهاد من طالب نفسه وتحتاج ذكاء لازم تابع يوم بيومه حتى لايفوتك شي .
رد مع اقتباس