#اعادة_الترشيح
١- شنو هو اعادة الترشيح ؟
اعادة الترشيح هو تغير للقبول المركزي يعني اذا انت طالب سادس وقدمت على المركزي وماعجبك قبولك تعمل اعادة ترشيح .
2- اشلون اعمل اعادة ترشيح ؟
لازم بعد ماتسجل بكليتك تقدم طلب تأجيل او ترسب نفسك بلغياب او بغير طرق.
3- منو الي يحقله اعادة ترشيح ؟
الطالب المؤجل والطالب الراسب بلمرحلة الاولى حصراً.
4- الطلبة الي ماسجلو يحقلهم اعادة ترشيح؟
حسب ضوابط اعادة ترشيح هذه السنة اي يحقلهم .
5- الطلاب الي ماقدمو يحقلهم اعادة ترشيح ؟
هذولي الهم قناة قبول خاصة يقدمون من خلالها هم وجماعة الذين لم يضهر لهم قبول.
6- ماهي الية التقديم لتعديل الترشيح ؟
يروح الطالب للجامعة الي انقبل بيها ويفعل رقمه الامتحاني ويقدم(في حالة الطالب مؤجل او راسب)
- اما الطلاب الي ماسجلو وكذلك الي لم يقدمو وكذلك الذين لم يضهر لهم قبول فهذولي يفعلون رقمهم الامتحاني من اقرب جامعة ويقدمون.والتقديم بكل هذة الحالات يكون على رابط خاص عن طريق النت.
- من تدخل رقمك الامتحاني راح تطلع الك كل الكليات والمعاهد الي تقبل معدلك في عموم العراق حسب الحدود الدنيا لسنة تخرجك من السادس وانت تختار 10فقط .
7- الطلاب الي داومو بلجامعات وطلعو اكمال وحابين يقدمون اعادة ترشيح يصير؟
اي يصير يقدم تعهد للكلية انه مايمتحن دور ثاني ويقوم بنفس الاجرائات المذكورة اعلاه.
8- مثلاً قدمت اعادة ترشيح وطلع الي القبول وماعجبني يحقلي ارجع لكليتي القديمة؟
اي يحقلك يعطوك مدةاقصاها3ايام تلغي قبولك الجديد وترجع للقديم مرحلة اولى.
9- بلنسبة للاضافات اشنو هي .
الاضافات هي درجة الدور الاول ودرجات ذوي الشهداء هذولي تحصلهم حتى في حال عدت ترشيحك.
10- طلاب ذوي الشهداء من وين يفعلون رقمهم الامتحاني .
- التفعيل يكون من المؤسسة اذا هذه اول مرة تقدم على المؤسسة .. اما اذا انت مقدم من قبل وناوي على اعادة ترشيح فلتفعيل يكون من جامعتك. والتقديم هم يكون على رابط خاص بيهم.
11- كم النسبة لاعادة الترشيح ؟
النسبة20%تكون موزعة 10%اعادة ترشيح و10%عدم كفاية وسنوات سابقة
- اما ذوي الشهداء نسبتهم1%
12- الطلاب المقبولين بكليات اهلية اومسائي او موازي او كليات تابعة للاوقاف مايحقلهم اعادة ترشيح حسب الضوابط المنشورة .
13- يحق للطالب التقديم على اعادة الترشيح وكذلك موازي واهلي ومسائي وهو يختار القبول الي يريده ويسجل به .
14- لازم يراعي الطالب انه في حالة التقديم على كليات القبول المباشر راح ينحجب قبوله المركزي.
15- الطالب من يسجل بكليات القبول الاهلي والمسائي والموازي والمباشر مايحقله يرجع للصباحي الحكومي المركزي بعد .
16- وبلنسبة للتقديم الاهلي والموازي هذولي يفتحون بعد ظهور نتائج القبول المركزي للسادس. اماالمباشر ومعاهد الصحة والنفط يفتح التقديم بعد انتهاء التقديم لطلبة السادس .
17- كم المدة الي يظل مفتوح بيها التقديم ؟
التقديم يظل مفتوح لمدة شهر.
18- بلنسبة للتقديم منو الي مسموحلة يقدم ؟
* اعادة ترشيح خريجي العام فقط.
* الموازي والمباشرخريجي العام السابق والحالي.
* الاهلي والمسائياي طالب طالما عنده شهادة سادس يحقله يقدم.
19- شنو المستمسكات الي تحتاجها بأعادة الترشيح ؟
رقمك الامتحاني فقط
20- طالب اعادة ترشيح يحقله ينافس على الاوائل ؟
اي نعم يحقله.
21- اذا طالب عندا رسوب وقدم اعادة ترشيح تبقى سنة الرسوب؟
اي اكيد تبقى ولازم يعرف انه في حال رسوبه سنة ثانية على التوالي راح يترقن قيده.
رد مع اقتباس