ما هو الفرق بين طب نينوى وطب الموصل؟

الكليتين تابعين للتعليم العالي وحكوميات وتعيين مركزي وهالامور ما بيها فرق كذلك المنهج الدراسي والمصادر واحدة والنظام سنوي بالاثنين اما الفروقات فكالتالي :

1- نينوى موقعها بالايسر يم باب الحدباء والموصل حاليا يداومون بنفس البناية كموقع بديل وراح يتحولون للجانب الايمن بباب سنجار بعد ما يكتمل بناء مبنى الكلية

2- الموصل اقدم وأعرق من حيث التاريخ

3- نينوى احدث وتميل للتجديد اكثر وتعمل للمستقبل بشكل كبير
وحاليا اكو مشروع لنيل الاعتمادية الدولية وغيرها من المشاريع الاخرى

4- معدل القبول بالموصل اعلى بحوالي ربع درجة من نينوى

5- طب الموصل تميل لاسئلة mcq (الاختيارات) ونينوى تميل لل essay (الاسئلة الشرحية) وهالشي يجعل من نينوى اصعب وممكن يأثر هالشي على معدل تخرجك مستقبلا بس بنفس الوقت يخليك اقوى علمياً حسب اعتقادي الشخصي (يجوز اكو يختلفون معاي بهالشي)
بس الموصل تفيدك كمعدل تخرج اعلى بحكم المعدل التراكمي يكون افضل من تتخرج لسهولة نمط الاسئلة

6- بطب الموصل اكو امتحانات فصلية (شهرية) تجمع منها السعي بينما طب نينوى تعتمد نظام الكويزات (امتحانات يومية كثيرة تجمع منها درجة السعي)