شنو الفرق بين كلية التربية للعلوم الانسانية و التربية الصرفة و التربية الاساسية؟!

الكثير من الطلبة الي خلصوا سادس ما يعرفون شنو الفرق اخون التربية للعلوم الانسانية معدلها عالي لانه مثل ما تعرفون بيها قسم اللغة الانكليزية و الاغلبية الي ما يحصلون مكان بالمجموعة الطبية يختارون قسم اللغة الانكليزية و هذا السبب الي ديجعل معدل الانسانية عالي شنو اقسام التربية الانسانية: انكليزي _عربي_تاريخ_جغرافية_علوم قرآن _علم نفس

اما كلية التربية الصرفة تحتوي ع الاقسام العلمية و اعلى قسمين بالتربية الصرفة هما الرياضيات و الكيمياء
زين شنو اقسام التربية الصرفة: رياضيات ...كيمياء.. احياء..فيزياء...علوم حاسوب

اما التربية الاساسية طبعا تحتوي ع كل الاقسام العلمية و الأدبية .

شنو الفرق اكثر توضيح
١.بالتربية الانسانية و الصرفة تتخرج بعنوان وظيفي (مدرس)
بالتربية الاساسية (معلم جامعي)
٢. بالتربية الانسانية و الصرفة يحقلك تدرس من الابتدائية للاعدادية ، اما الاساسية يحق لهم يدرسون ابتدائية و متوسطة و اعدادية ما يحق لهم.
٣. من ناحية الحصول ع الوظيفة كلهم الانسانية و الصرفة و الاساسية نفس الشي و من ناحية الراتب ايضا كلهم بكلوريوس و نفس الراتب.