هنا

[أنثى حائرة]

هلوو درر ادور ادور وارجعلكم يمكن لان محد الي بهالدنيا احجي وياه وافضفض براحتي ..
اريد حل لمشكلتي الي هيه لمن اهلي يفهموني غلط اضل متمسكه برأيي للنهايه بس هالشي يضرني لان همه السلطه عدهم وهمه ليتحكمون بينه واني اتضرر . مثلا تصير مشكله بيني وبين اخواني ابوي دائما يذب اللوم بيه ليش لان اني ما اسكت ادافع عن حقي بس لان اني بالنسبه اله الساني طويل دائما يذبون اللوم بيه . ميخالف بس اني اكل بنفسي لحد ما تنتهي . يعني يكلي انه الج باجر اعاقبكم. اضل اقهر بنفسي لحد ما يجي باجر واتعاقب يله احس نفسي ارتاحيت وخف الضغط عليه . اي شي يصير ما اكدر امرره مرور الكرام اركز ع كلشي وتأثر حته كمت المرض من هالشي . اتمنى تساعدوني لان حته مناعتي قلت . واذا تكدرون تساعدوني بطبيبه نفسيه احجي وياها يا ريت لان اني عندي جانت وسواس قهري وتعالجت منه كوه بنفسي
لان تعبت كلش

[NAZ‌]

اذا چنتي انتِ الچبيرة بين اخوانچ لازم تتحملينهم ترى عادي جداً.. كل احنه هيج عدنا اخوان مُشاغبين حاوليي تتجاهلين الموقف او تعوفيهم وتروحين وشغلي نفسج
انتِِ ترتاحين من تتعاقبين لانچ چنتي متوقعه يحصل الاسوء من هذا بسبب تفكيرج الزايد والمُفرط و جسمچ ح يستنزف هواي من هرمون الكورتيزول "هرمون الاجهـاد" اللي يقلل مناعتج وممكن يسوي بيچ غير امراض لا سمح الله
الحل بأيدج مثل مگـتلچ تغاضي عن بعض الامور واتركيهم و شوفي دروس الثقة بالنفس ع اليوتيوب واشغلي نفسج باشياء تنفعج وتخليج تعيشين حياة ثانية مثلاً اقري كتب سوي شغلات تحبيها اطبخي..اي شي يسعدچ..ونصيحة لوجه الله ألتزمي بالقرآن بيه شفاء لكل شيء...وابتعدي عن التفكيـر الزايد واللوم لان مراح يجيب نتيجة وضرره فقط عليـــــــــــچ..الله يسعدج

[Suzana]

سلامتج حبي
يعني انتي تعرفين انه من تناقشين او تدافعين عن حقج جاي تتعاقبين من قبل الوالد فحاولي تبتعدين عن اي مشكلة او اي نقاش يسببلج اذى ..
اعقدي العزم على ضبط نفسك وراح يشوفون تغيرك الايجابي نحو الافضل وتتغير الامور لصالحك..
اذا انتي ببغداد اعرف دكتور جيد
ع النت اكو مواقع بيها اطباء متخصصين
وياربي يساعدوك الاعضاء

[''و هۛہۛﹻﹷٰﹷۛﹻﹷٰﹷم]

فعلا صدقتي

[الملاذ الاخير]

الحل بسيط جداً .. الباب اللي يجيك منه ريح سده واستريح

اكو عادات انتي جاي تسويها غلط وجاي تتعاقبين علمودها .. انتهي عنها ..
مثلاً : انتي جاي تصير مشاكل بينج وبين اخوانج شوفي شنو السبب وحاولي قدر الامكان تتجنبيه
بعدين العقاب لاجل مصلحتج ..
وانتي مو تگولين احرگ بدمي واضوج .. لا تحتاجين دكتور نفسي ولا تحتاجين كلشي .. تحتاجين تگعدين وتفكرين شويه ابال صافي وتشوفين الاعمال مالتج صح لو غلط وتليق بيج او لا ..
وراح تتغيرين ونحو الافضل ان شاء الله

[الذهبي حسوني]

البنت دائماً كائن خفيف ضعيف جداً امام اخوانها لكونهم ذكور وهي انثى .. الاب هو السند للبنت لازم يوكفلها يدافعلها يتقرب منها اكثر مراح يلكة احن من بنته اله

ف كيف كل هذا يحصل ويعاقبك ويقف مع اخوانك امامك ...!

اختي الفاضله تقربي انتي من والدك واعطي من نفسك عندما ترين انك على غلط اعترفي لا تحتفظي بغلطك وكوني صريحة ودعي التفكير والوهواس والحزن والقلعق هذه امور تذهبك للتهلكة ..

اتمنى لك الموفقية والسعادة
دمتي بود

[دانــة]

حبيبتي لاتصيرين سلبيه وتعطين مواضيع اكبر من حجمها متحتاجين طبيبه نفسيه ولا شي
بس حاولي ماتناقشين ابوج بالنهايه هو اكبر منج ووالدج لاتردين علي حته لو انتي صح ولاتفكرين بالموضوع طنشي
صدكيني من اطنشين تعيشين مرتاحه بدون تفكير