راعي الثار .. من كربله قادم
بيده تلوح .. راية گمر هاشم
حشمت واتصور المهدي ظهر
زار ابو اليمه وتنعنه للگمر
مغضب وجفه مثل سيفه انشهر
صاح ابو فاضل هلا يالمتنظر
اهلاً بيك .. يا عمي يالقائم
بيده تلوح .. راية گمر هاشم
للبقيع اتعنه وعيونه حمر
خل يشوف الناصبي نجوم الظهر
والضميره تهدم يهدم گبر
حانت الساعة وبعد ما ظل عذر
سيف الثار .. ما يرحم الظالم
بيده تلوح .. راية گمر هاشم
ناده وين الخانوا بحامي الحمه
والنكر قتل الجنين او فاطمه
همه ذوله الطفوا أنوار السمه
وبسببهم هالقبور مهدمه
وبهالناس .. يتسلط الحاكم
بيده تلوح .. راية گمر هاشم
ما اريد الصافحوا چف الظلم
قتلوا الناس لأجل كرسي الحكم
اسمه شيعي وفعلته ما تنهظم
ذوله بيني وبينهم كسرة عظم
ومن هاليوم .. انهي الأمر لازم
بيده تلوح .. راية گمر هاشم
اليوم اصفيها واحقق مطلبي
عدنه جم مسلم لجن ذابح نبي
عدنه شيعي وبالحقيقه ناصبي
جاهل ويوميه يطعن مذهبي
سكته تصير .. من ينطق الصارم
بيده تلوح .. راية گمر هاشم
ما اسامحهم تره الخانوا هلي
وانه اجليها الأبد ما تنجلي
إله اخليها المناير تعتلي
والسقيفه تصفط ويحكم علي
صاحب ثار .. وبموقفي حازم
بيده تلوح .. راية گمر هاشم
واليظن هدم القبر يمحي الأثر
بيته من جام ويخاف من الحجر
مو زلم والله اليطعنون الظهر
اني قادم منتقم أين المفر
وشكم ثار .. بعيوني متزاحم
بيده تلوح .. راية گمر هاشم
اليوم أعاقب كل نذل خاين ملح
والسكت من شاف إخوته تنذبح
من تموت الغيره فزعه ما تصح
لا صلح وي اليساوم لا صلح
جاك الموت .. ها يالجنت واهم
بيده تلوح .. راية گمر هاشم
رد مع اقتباس
المشاركة الأصلية كتبت بواسطة المحاميه شهد المعموري
