هنا

[ارجع يازمان]

جريمه عله ياهو الجان,,نطلق كلمة ((الأنسان))
الماعنده مشاعر صار ,,تمثال ابلا وجدان!
يا انسان..
انطي اشما يحرمونك,,
لأن الينطي ما خسران.
يعجبني الورد حساس ,ماعاف النده البردان!
يلمه ابطية أوراقه,, و ينطيه بالعطر عنوان!
ترى البستان
ويه الورده مشتركين,,بافراح وصدى الأحزان
واذا تنكطع ورده ابيوم ,,تلكه الطعنه بالبستان!
يا أنسان,
هاي الدنيا كون ادوم,,جا دامت الياهو الجان,,
عيش ابنعمة الاحساس وتعود عله الاحسان
ابقه ابوجه واحد دوم,
لتخلي الوجوه ألوان,,
وأبد لتأمن الدنياك ,,خاطر ما تضل ندمان!
من تلغي العيون اتصير,
عايش عيشة العميان,,
راح اتلاكي جم دجال,,
تلكاه حافظ القران!!
اليحط الجذب باقواله,,
تلكاه بالفعل خربان!
الفقير اويه الغني ماشين.. بس العبره بالميزان
يوم الما يفيدك صيت !-راح اتفيدك الأوزان
الدنيا امتحان اتصير ,,, بين الجنه والنيران,,
اتفكر ابأخر بيت,
قبل لا تحجي بالديوان
الدفان اليطم الناس..... لو بس ترتقب يفلان
نفس الدنيا راح إدور,,, خاطر تدفن الدفان!
لازم تدفن الدفان!
حسين االساعدي