هنا

[ღ عِشق ღ]

إنطيني إيـدك أريـدك .. تچلب بإيـدي
خوفي عنك لإنك .. خادم اولـيـدي

لاتمد للناس چفك .. لايرد خالي
الترخص اوية الناس روحه .. عندي مو غالي
والكُبــر گدام أخوته .. يزغر اگبالي
الينعرفّ مو عالي عندي .. والزغر عالي

واليمدحك أنصحك .. لا يكبرونك
كل عثرتك نظرتك .. بطارف أعيونك
______________________________

لا تخلي الدنيا همك .. هيه مگضيه
اختار ترضيمن يخادم .. انه لو هيه
انته بس تنطيني كلمة .. وتخلّص النيه
الآخرة الجنة الشفاعة .. ترتبط بيه

ذني كلهن احلهن .. لا يظل بالك
شرطي واحد تعاهد .. ينصلح حالك
______________________________

لو ثگل بالدنيا حملك .. تحصل العونه
ايجوز ربعك كلها تفزع .. مايخلونه
اهناك ماتلگه اليعينك .. كلمن امتونه
وحدك انته التشيل ذنبك .. مايشيلونه

ماكو ربعك تسمعك .. تعوفك الوادم
خلي نيتك امنيتك .. تنحسب خادم
______________________________

اليوگع ومافاد واحد .. فاطمة اتفيده
انه باخادم نخاني .. وماترست ايده
انته بس صفيلي نيتك .. واخذ التريده
اشما تزيد الحرگة عندك .. خيرك انزيده

كلشي عندي يولدي .. ماكو عد غيري
انه امكم المكم .. شبعو من خيري
______________________________

من يحل يوم القيامة .. انحاسب الوادم
نحسب شكم دمعة باچي .. وشكثر لاطم
العافنه الحبنه الكرهنه .. الجاهل العالم
كل فرد يتمنى منهم .. ينحشر خادم

لليهمنه وخدمنه .. الجنة مأوانه
الباچي گطرة ابشره .. يدخل اويانه
______________________________

كلمات / علي عبود العبودي

تنـــزيلmp3

zahraa

[علي الواسطي]

شكرا زهراء

[همسة قلب]

شكرا جزيلا أحسنتم