قصيدة حسرة فراكك
حسرتي كبال عينك خانكه الليل
وعيني لشوف عينك فاكده الشوف
اخلص عليك اصابع چفي بالليل
هيج عليك اعضهن أخ و بأوف
من تعرض صورك بأول الليل
تضل عيوني فوك اصورك طوف
اذيل على صور مشتاك خطيت
أشكثر كاتبلك اترجاك لا تعوف
بثكال حسرة فراكك حسرتي عليك
مثل الواحد يروح بخله زافوف
قريت السبعه سعبه لعيني مرات
بالكت تنام عيني ويلفن الاطيوف
البلابل من حنيني ناحن وياي
كبال عيون نوحي الدوح مجتوف
اترجملك همومي وياك قاموس
واسولفك عليك شلون ملهوف
بكان وكل لغات الكون وياي
لعل هموم قلبي اتلمه حروف
بطلاسم هجرك انه سنين محتار
شفك بيهن واعرفه الخاطهن خوف
ابمملكة القوافي عروش سويت
ونصبتك عليه بهاي الجتوف
جريت وياي حد ماشافته العين
واناقض روحي واكلهم كله معروف
ماردت تردلي شافي الجروح
بس ردت تردلي تسكت حلوك
اسدن باب سمعي من يمرون
يأشرولي بيدهم انت محكوك
حرت مابين سمعي وبين عيناي
ومابين شماته بنار محروك
تعال الحك عليه بأخر انفاس
بدخان القوافي عليك مخنوك
تعال شكد علينه تكاطف حجار
وعلي صرنا بغيابك مثل العثوك
بقلمي الشاعره شهـد المعموري
رد مع اقتباس
المشاركة الأصلية كتبت بواسطة نصرالدين البلداوي
