هلا و100هلا اصدقائي
اني كل خميس اسوي طبق حلو لسهره ويه نمنميات
وهذا الخميس الطبق نصيب الحلقوم
يله تعالو اشوفكم شلون سويته
المقادير
نص كوب عسل +ربع كوب ماء + ملعقتين اكل نشا +رشه فانله باودر او سائل + خل ابيض رشه او عصره ليمون مجرد،بس تنعصر
نجيب طاوه نخليه على نار هادئه ونضيف العسل عليها
وبالخلاط اليدوي نحركه لحد ميطلع فقاعات نخلي شوي خل ابيض او شوي عصير ليمون
ونحركه شوي يختلط نذوب النشا بالماء ونخلي بتدريج مع تحريك
وبعد مايختلط نشا ويه العسل نخلي رشه فانله
بعدها نحركه من يبدي يثخن شوي نحركه بالخاشوكه
دقيقتين نحركه من يصير مو سائل كلش بي ثخن نزله من الطباخ
وبعدها نحضر صينيه او ماعون او حافظه نرشه كميه جبيره من النشا كل الاطراف
نخليه بالقالب متوفر عدنا وارش فوكه نشا وبالخاشوكه احرك الاطراف وخلي نشا
ومن حرارته مو قويه نعدله بيدنا
ونعوفه يبرد بالما نغسل طاوه والادوات
نحضر ماعون التقديم ورشه نشا وزيت او دهن لتقطيع ندهن السجينه كل ما نقطع قطعه
ومن نقطع نشكله بيدنا نخلي نشا او بالسجينه بس نشا حتى متلزك
وهذا شكلها النهائي
وسلامتكم
رد مع اقتباس
المشاركة الأصلية كتبت بواسطة Suzana
