ناس
مدري…شلونهم
ماواطنتهم
شاورو ل الله…..عليه
حاسبوني
و...عذبوني
وشتموني….وماحچيت
كفروني
نصّبو
من بينهم واحد الاه
وچـان….اكـثرهم…..غبـي
وناس
مدري شلون
ب الظلمه…لگـوني
شتلو
ب روحي
صليب…...وعلگو بيها.….نبي….!!!!
...................
حزنك
جَزر وطيوفهم…..مد
هيمه
ال تعب ووياك….. محد
تشعل
ب روحك عود وتنام
حسبالك….من تموت…تبرد….!!!!
****
حزنك
مناير فوگهن…..دم
ما
شافك احد…..ماتلثم
گدما
حچيهم يوجعك صار
مابيك
تـحچي….الـه…....اتحزّم….!!!!!
*****
حزنك
جـزيره ومامش….فياي
راي
ال يجيبك ياخذك….راي
ليليه
بـيك تروح جناز
ترجع
غريب وتمشي….ب هداي…!!!!
*****
حزنك
مطر كلسااااع….ديره
تاخذلك
ال نجمات……خيره
ماتدري
وين يطيح واطيح
ساعه
ب نهر…..ساعه…..ب جزيره…..!!!!
.....................
اذا…
كلساع
دم نثيه
على ال شباچ
حد
مازنجر….ال شباچ
چا
يمته
الحزن….يگضي ي باب….الله….!!!!
.......................
ب روحي
ليليه…
جـنايز مادري…المن
صوت
ميت
يبچي روحه
وينعى…روحه
صورته
وتابوته بيده
ويـگعد…يـلم…ب غراضه
ب
روحي……ليليه…..عـراضه…..!!!!
محمد لفتة العماري
رد مع اقتباس
المشاركة الأصلية كتبت بواسطة المحاميه شهد المعموري
