ياسيــدي.. أســألُكَ الدُعــاء .
ياسيــدي.. أســألُكَ الدُعــاء .
دمعتي اعليك ضلت تنزف اجروح
يبو اليمه ابمصابك ذابت الروح
طلب رايد توفقني لخدمتك
ولا تحرمني من الدمع والنوح
يبو النعمه .. وباب للرحمه
ادري توفيقي هوَ اسبابك
إلك اسأل .. وانتَ تتفضل
من توظفني خادم ابابك
ياسيــدي.. أســألُكَ الدُعــاء .
ياسيــدي.. أســألُكَ الدُعــاء .
آنه الخليت حزنك صاحب اوياي
أجيب اسمك وأون من اشرب الماي
نسيت الوطن واهلي ومانسيتك
واجيتك اشتكي من اهموم دنيـاي
أريد احظه .. بدعوة للمرضه
ومن تمد إيدك تشفي جرحانا
إجت اسعي .. اسأل ابدمعي
ياوقت ينـفك گيـد أسرانا
ياسيــدي.. أســألُكَ الدُعــاء .
ياسيــدي.. أســألُكَ الدُعــاء .
انه مولاي مو خايف من الموت
الدنيا تنتهي والأجل موقوت
بس خايف يجي عاشور ثاني
وانه بمجلس عزائك ما إلي صوت
العمر فدوة .. والله مايسوة
لكن احتاجه لخدمة احبـابك
أريد أخدم .. بالعزه الطم
غليتي ابعمري اذكر امصابك
ياسيــدي.. أســألُكَ الدُعــاء .
ياسيــدي.. أســألُكَ الدُعــاء .
على درب الزيارة ليل ونهار
ومن مشية الزاير اخذ اغبار
اريدن فاطمة اتسجلي اسمي
في دفتر عزاها ومعَ الزوار
بالمناجه .. اطلب الحاجه
وادري بيك انته ماترد طالب
يبو الاكبر .. خدمة المنبر
مني اقبلها والكرم واجب
ياسيــدي.. أســألُكَ الدُعــاء .
ياسيــدي.. أســألُكَ الدُعــاء .
يبو اليمه اعله ظهري شايل اذنوب
وادري بالقيامة كلشي محسوب
اريدن سيدي منك شفاعة
تره بلياك تظهر كل العيوب
بالمحاسب .. حاشه اتعاقب
وانته يالغالي شافع اذنوبي
تنجيني .. ماتخليني
حاير ابأمري ها يمحبوبي
ياسيــدي.. أســألُكَ الدُعــاء .
ياسيــدي.. أســألُكَ الدُعــاء .
كلمات الشاعر : وســام الشــويلي
تنــــزيلmp3
zahraa
رد مع اقتباس