الهذيان
سيموت الفرح صامتا كما تموت الاشجار .. لان الخريف حلّ مبكرا على قلبك الذي كنت اظنه ربيعا دائما..
رخوه الگاع..
وانت بلا جرف كل ساع الك مجرى
طبعك ماي سيح وما الك عنوان
شما احطلك جرف تتعمد تعبره
طويل الليل اطول من ضوه النجمات؟!
من غاب الگمر عجزن واخذهن غيض
چي ما شتلن الگمره ..
ينحط الذهب وي الشبه باللون
بس بالبيع تفرق كلمن بسعره
واذا يحلى الورد بعيون اليشمون
حد الورد سنداناته
بس حد النخل جذره!!
يل طبعك ورد
يا هو اليجي يشم بيك !!
وانه طبعي نخل
مو ياهو چان يفوت
اطيح بچته تمره
بسك توگف وي الصخر طول بطول
طبعك طين
والدنيه حلگ شلال
من تفيض .. يتفتت الطين وتوگف الصخره!!
يل غرتك روحك علي لاتنغر
ولاتضحك بمدك من يجيك الزود
هم يضحك عليك الجرف من تجزر
چلمه انت بحياتي
وانمحيت بساع
واذا چلمه انمحت ما ينمحي الدفتر
يالمغرور ..
لاتعزف فرح محد يگلك عيد
تعزف وحّدك وانت يثنية گبور
بيوت من الوهم تلگه الف بيت وبيت
بناها العنكبوت بّين ومضة سيفك ..
وآخر نزف جرحي
دبس مني ..
دبطل سوالفك يبن الامير وگوم
مو خلص صبره ( لعيبة الصبري )
دبسك گوم
انسه الحور .. وانسه طيور تعبر الك سبع بحور
خذو لّبك وراحو
وبوهم خلوك تعزف وحّدك والدنيه كلها گبور
يالمغرور ..
مالازم عمر يگضي على شفرة سيف
خلينه غرب كل واحد بديره
اكفر بالورد لو نرجسي ومغرور
واسجد للخضار بوجه صبيره!!
وخليك انت غيره بگصتي
بس لاتهزك ريح
لان كثر السموم
ينشف الغيره!!
منقول
رد مع اقتباس