نَص وجداني!
من هالعالم شاب الراس
ما عِدهُم ذرة أحساس
العنده افلوس ايريدونه -والماعنده ايطردونه
لا خير إبهذا المقياس
ما عِدهُم ذرة أحساس
-----
والمحتاج الما طخ راسه
تِجدَح من اعيونه الغيره
وشجَم تافه يملك ثروه
بس ايبيع اُمه إعله الليره
دنيا اتراويك الاشكال-تلكَه الطيب والأنذال
وهَم محسوبين إعله الناس
ماعدهم ذرة أحساس
------
ليش اتلوم الدنيا وتدري
هاي المأسات إمن ابنادم
همه الخلو دَمعك يجري
عوف الدنيا ولوم الظالم
وكل يوم العن بالظلام-المتهزهم دمعة ايتام
فقدوا كل نخوة ونوماس
ما عدهم ذرة أحساس
-----
من هالعالم شاب الراس
ما عدهم ذرة احساس
العنده افلوس ايريدونه -والماعنده ايطردونه
لا خير ابهذا المقياس
ما عدهم ذرة احساس
بقلم
حسين الساعدي
راق لي
رد مع اقتباس
المشاركة الأصلية كتبت بواسطة husaam
