هنا

[عباس الملا]

نــزف جـرحـه رســم هـاي الـزياره
نـهـر مـن البـشـر يـجـري بـحـــراره
نـهر مـا حـدته جــروف
اجـيـنـه لـكربله نطوف
نـهـر مــن الـبـشر يـجـري بـحـراره
...............
هـتـف صـوت الــزيـاره . علـى الـكـون ومـداره
هـتف وبصوته جـبـريل . مثل صرخت حشرها
اجـتــــي الـكــربـــلائــه . الارض كلها وسـمائه
حـشُـرهـا يـم الحــسين . صـبـح بــيـده امـرها
شــفـت هـذا الـتـــحـزم . نـصـب للـحره مــأتم
ومواكب صارت قصور . وخـدم وهـبت عمرها
يــريـد الـكل يـسـاهـــم . مـثـل حصـد المغانم
تـجـيـلك هـاي الـگـلوب . الك شـبـحـت نظرها

اجــاك الــي يـحـب يـعـلـن هـيامه
اجــاك ورايــد يـوصــل ســـلامــه
عـشـگــنه اربـع حروف
اجـيـنـه لـكربله نطوف
نـهـر مــن الـبـشر يـجـري بـحـراره
.............
اذانــك مــن نـسـمـعـه . فـرض واجـب نـتبعه
نـجـــيـك ولازم نــزور . ضـريحـك انته رحمه
تـوضـيـنـه بـخدمـتـك . وتـعـنـيـنـه لحضرتك
بضريحك لازم نطوف . نـقـبـلـه وهـم نـشـمه
صــلاة الحـب نـصلـي . ردت يـمـــك اخـلـــي
دلـيـلــي يـمـك يصـير . والك حـالـي اسـلـــمه
اذا يـمـــك وصــلـــنـه . علـى اعتابك سـجدنه
واذا تــقــبـلـــنـه زوار . نـشـكـرك هـذي نعـمه

اجــيـنـاك وعـلـــى ذاكـه وعــدنـه
نـريــد بـطـفـك نـجـــدد عــهـدنــه
ولا يـمـنـعـنه اي خوف
اجـيـنـه لـكربله نطوف
نـهـر مــن الـبـشر يـجـري بـحـراره
..............
اجـت وبـهـل مـسـيره . رُسـل تـحـيـي الشعيره
تـريــد اتـمـم الـــديـن . لأن ديــــن الله انـــتــه
مـشـه بدرب المواكب . طفل شاب ويه شايب
يجـون بـكـل الاعـمـار . لأن بـابـــــك فـتـحـتـه
يـمن بـابــك وسـيـعـه . اجـت سنه ويه شيـعه
مسـيح وصائـبه تزور . الأجـه تـنـطـي طـلـبته
يمـن اهـدى الخـليـقـه . ثـمـن دمــه الحـقـيـقـه
فـتــــح بـيـــبـانـه لله . طــريـق بـدم رگـبـــتـه

فـتـح جـنـة عـدن مـن دم وريـده
حفر وسـط الگلب هـاي العـقـيده
صبح دين الله معروف
اجـيـنـه لـكربله نطوف
نـهـر مــن الـبـشر يـجـري بـحـراره
.............
شــفـت دربـك سـعاده . وخــدامـتـنـه سـيـاده
نـضـل يـا سـيدي دوم . نـشـوفـك انـتـه قـائـد
الـك وحــدك نـريـــدك . مـلـك واحـنه عبـيـدك
فـلا تـعـتـقـنـه مـولاي . نـمـوت و الله شــاهـد
يـمـن بـيـدك امــرنـــه . الــك خـلـــي عـمـرنــه
نـذر بـسـمـك تـخـلـيه . والــك نـبـقـه نـعـاهــد
واذا عـنــك بـعــدنــه . لــعــد دربــك تــردنـــه
امـلـنـه وياكم نعيش . خـــدم بـيـن الـمــراقـد

واذا طـحت بـشدد وشـتـد بـلائـي
يـبــو الـيــمـه الـك ارفــع دعـائــي
يمـن للـشـده مـوصوف
اجـيـنـه لـكربله نطوف
نـهـر مــن الـبـشر يـجـري بـحـراره
..............
اجـيـت بـكـل حـواسـي . اريد امشي واواسي
زحـف لو نمشي لحسين . نضــل نـشـعر قـليله
مـصـيـبـتـكـم مـصـيـبـه . مشـت زينـب غريبه
مشـت للـكوفــه والشام . سبــو تـالـي العقيله
مـثــل زيـنـب مـشـيــنـه . ولـكــن مـــنـولـيـنـه
ولا لاح الـجـلـد ســـوط . علـى ذيــچ الـهـزيله
ولا نـمــــنـه بـخـــرابـــه . ولا الشـام ومصـابه
شـتـم ما شـفـنه وحجار . بـلـيـالـيـنه الطويله

اذا نـذكـر مـشـت زيـنـب سـبــيـه
فـلا نـگـطـع مـشـي صبح ومسيه
مشـينه بدربك صفوف
اجـيـنـه لـكربله نطوف
نـهـر مــن الـبـشر يـجـري بـحـراره

الشاعر
أبـو قـاســـم الـمـــلا

[تشارليز ليلان]

احسنتم.

[المحاميه شهد المعموري]

جزاك الله خيرا
شكرا لك