تــوه راح ، ياهو ليصدگني ذاكه الطـول مـات
تــوه راح ، راح أمان اعيونچ وستر البنات
حـيل ثغبن رآح أخـوي ،،، بلـكت اتگعده اليبـوي
توه راح ،، توه راح
°°°°°°°°°°°°°°°°°°°°°°°°° °°°°°°°°
انه المحد اوياه ، تحيطه الشماته
انه الكاسر اگلوب ، خواته وبناته
صدگ يختي ترضين ، تصيح الشماته
بعد ساعه الحسين ، يتيهن خواته
حيل ثغبن رآح أخـوي ،، بلكت اتگعده اليبـوي
توه راح ، توه راح
°°°°°°°°°°°°°°°°°°°°°°°°° °°°°°°°°
١
زينب والعباس اتمنى ، لوميت گبله ولا اردلچ
بآخر شهگات من انفاسه ، هوَ ايسولف بسمي وبسمچ
طلعت روحه بگد اسنينچ ، زين وراجع ليچ إبن امچ
يزينب هضيمه ، ارد وحدي ندمه
اريدچ تعتبين ، واموتن چلمه چلمه
يختي راح ، راح كلشي وبعد ماتسوه الحياة
توه راح ، ياهو ليصدگني ذاكه الطول مات
°°°°°°°°°°°°°°°°°°°°°°°°° °°°°°°°°°
٢
ذاكه الطول التارس عيني ، يازينب شحچيلچ عنه
اتدنيت ابصفه وهزيته ، گتله آنه ادخيل اولا چنه
امطشر ذاك الحيل أبكبـره ، كلما ألمنه
إيظل منه
يزينب هضمني ، بچه من شبگته
يون سكته ويگول ، هله بواحد إخته
الجيش صاح ، لحگو عد حسين ماظل بس خوات
توه راح ، ياهو ليصدگني ذاكه الطول مات
°°°°°°°°°°°°°°°°°°°°°°°°° °°°°°°°°°
٣
من گد ماشافوني اتعثر ، اشتـبهو صاحو يمكن صلّه
موش ازغيرون آنه امشيب ، ترضين إيگولي إسم الله
لخاطر عشرتنه ولمتنه ، زينب ولخاطر عبدالله
صدگ يـختي ترضين ، تصيـح الشماته
بعد ساعة الحسين ، يتيـهن خـواته!
راح أموت ، باچر الله يعينچن يالضايعات
توه راح ، ياهو ليصدگني ذاكه الطول مات
°°°°°°°°°°°°°°°°°°°°°°°°° °°°°°°°°°
٤
آنه المهضوم الرد حاير ، آنه التبـچي الغـربة إعليه
آنه إيعذبونه الدللهُم ، آنـه الكلشي إيعذب بيه
آنه الما واحد شاف إخته ، وباچر تتسمه المسبيه
آنه المحد ويـاه ، وتحيطه الشمـاته
آنه الكاسـر اگلوب ، خـواته وبنـاته
راح أروح ، اتعذبـَّـن يلـ بـس عليـه امعلمات
توه راح ، ياهو ليصدگني ذاكه الطول مات
°°°°°°°°°°°°°°°°°°°°°°°°° °°°°°°°°°
٥
يازينب هاي آخر ساعة ، من عدها اوراح اتضـيعيني
ادورين إعله الريحة احسلچ ، موش ادورين إعله اونيني
من كل صوب اونيني ايتعبچ ، كلساعة الخيل اتدنيني
وحگ صدري يختي ، التـشمينه كلساع
بعد ساعة بالخيل ، ترس يتـرس الگاع
من اطيح ، فوگ صدر حسين چن حافر يبات
توه راح ، ياهو ليصدگني ذاكه الطول مات
°°°°°°°°°°°°°°°°°°°°°°°°° °°°°°°°°°
كلمات الشاعر أحمد المشرفاوي
تحميلmp3
إستماع
zoza
رد مع اقتباس
