كلمات قصيدة زحف مليوني - الرادود حيدر البياتي ( مكتوبة ) 1443هـ - 2021 اقوى قصائد المشاية " اقوى قصائد زيارة الاربعين " قصيدة زحف مليوني مكتوبة كامله للمشاية 1443هـ
حصرياً لمنتديات درر العراق
حان الانطلاق .. القلب العراق
زحف زحف مليوني
متشوف العين ... بس درب حسين
زحف زحف مليوني
جاي .. واله تعبي
ماي .. على كلبي
حسين .. هوا ربي
نفس .. هوا ربي
من شفت الساعه انه بالربعين اله
رجلي احس تحركت كالت انه اوصلله
خاسر البوسعه مشي وما يعتني لأجله
لجل مشي زيارة حسين لله حط عطله
بجنح ملك .. رفع رايه
بده المشي .. يمشايه
ما خاب اليجيك .. صلى الله عليك
علم علم بمتوني
تحب الرجلين .. بس درب حسين
زحف زحف مليوني
حان الانطلاق .. القلب العراق
زحف زحف مليوني
متشوف العين ... بس درب حسين
زحف زحف مليوني
حسين ... قلب الحب
عين .. عشك تصب
دين .. هوا يطلب
بين .. النفس يطب
الله خلق كلي لمن رجلي الي هايه
لكي بالربعين اجي لحبيبي مشايه
حلاها من يبدي زخم واحصل الغايه
واصيح انه بيدي لحت شباجك هوايه
احلى مشي .. مشي احبابك
احلى صور .. على بابك
نشتم الهواء .. بس بكربلاء
كحل كحل لجفوني
ماعدنه اثنين .. بس درب حسين
زحف زحف مليوني
روح .. يالتحبه
دوب .. على دربه
حسين .. حلو تعبه
ذوق .. حجي كلبه
تنادي اله بمشيتي الك حبيبي اضحيلك
بخطاي اذا جنه شفت اجزيها وامشيلك
المشي تعب لكن الك سهل وانه دخيلك
تعبك اذا راحه طلع مادري شحجيلك
ماكو تعب .. يرجليه
زينب اجت .. يرجليه
بلله الدنيا وين .. شو بس الحسين
يضل يضل بجنوني
مانندل وين بس درب حسين
زحف زحف مليوني
الله .. وحيه دمع
كال .. زوره وارجع
شاف .. كبته تلمع
حسين .. ضوا ينبع
النبي الذي لبنه بجه لو بالمشي يصدف
مشي لبو اليمه يجي وينسى شكو يوسف
يمشي الدرب الله اذا للي مشه يكشف
نلاكي كل خطوه مشي يمنه نبي يخطف
اذا افترك .. تحس جتفك
هذا نبي .. اجه بصفك
هنا مريم تقر .. اكنس وافتخر
شرف شرف بعيوني
نذر الجفين .. بس درب حسين
زحف زحف مليوني
حسين .. كلمة سر
لباب .. ندى ينثر
غيوم .. ضوه تمطر
بيه .. لله تعبر
الضغير اجه مشي واله اجه مشي الحدب
ومن الخدر نساء اجت تمشي لجل زينب
هوينه ابو اليمه ولا مثله بعد ينحب
ومو بس حجي احنه من نحب لما نحب نتعب
هو الامام .. و وراه كلشي
وبكل سنه .. نضل نمشي
وبكل اربعين .. لبيك حسين
مشي مشي يلكوني
ونضل ماشين .. بس درب حسين
زحف زحف مليوني
وين .. مشي صاير
صوت .. هله زاير
الكون .. بقى حاير
اعليه .. شنو داير
بين الجه يمشي وابو الموكب احس عشره
هذا ينادي خادم وذاك يجي يشكره
المشايه هايه لو نهر يمشي الى الحضره
هايه مواكب بالمشي لو سبحه الزهره
ابن الخيم .. تره الموكب
محله الخدم .. لمن تندب
خذ ماي الشهيد .. وابقى العن يزيد
خدم خدم يرووني
والدرب الزين .. بس درب حسين
زحف زحف مليوني
حان الانطلاق .. القلب العراق
زحف زحف مليوني
متشوف العين ... بس درب حسين
زحف زحف مليوني
( للشاعر ميثاق الحمداني )
( تدوين امير الفتلاوي ... حصرياً لمنتديات درر العراق )
للأستماع
______
للتحميل mp3 برابط مباشر
( اضغط هنا )
______
رد مع اقتباس
المشاركة الأصلية كتبت بواسطة طُهَرالْغَيم
