هنا

[اميرالفتلاوي]

كلمات قصيدة بس هليلة ( مكتوبة ) مسلم الوائلي 1443هــ - 2021 ( مكتوبة : تحميل بصيغة mp3 )

الـقصـيدة : بس هليلة
اداء : مسلم الوائلي
كلـمات : محمد النواس
______________
حسين مو طبعك عرفتك
نايم وما گمت لختك
انه بس هليله اليه اليه
باچر اتوكل سبيه سبيه
______________
حسين ما معقولة هذا انته من اجيك
يا وكت ما بيك حيل تشيل ايديك
الله لا ينطي الشمس شمسوية بيك
ارد اشيلهن چم سهك واشبگ عليك

جيت اضم بمتوني يمك
خاف عايز ضيم الچمك
انه لو انته الخطيه الخطيه
باچر اتوكل سبيه سبيه
______________
حسين وجهك ما عرفتة من الدمة
تالي اخذتك على الشبهه من فاطمة
گوم يل جروحك متعب السمه
چنه گلبي شفايفك من الضمه

گاعد گبالك واتاني
تفزلي يالنفسك چواني
حط ايديك بين ايديه ايديه
باچر اتوكل سبيه سبيه
______________
نحچي عد راسك گعدنه يالوفي
وگمنه نمسح وجهك بطرف العبي
مدللاتك باچر يروحن سبي
تشوفنه وما تگدر وتحبي حبي

تريد بس تحاچي واختك
توصل بعينك دمعتك
تذكر العشرة سويه سويه
باچر اتوكل سبيه سبيه
______________
ليلة الوحشة طلعت وبگلبي نار
وشيب متوازي على رموش الزغار
حسين يتشاهد لگيته ونفسه حار
من النحر شم ريحتي وعليه دار

وگال ها يا عمت ابني
وعن بناتي شگد نشدني
لازمة بأيدي رقيه رقيه
باچر اتوكل سبيه سبيه
______________
حسين طاح وما شفت ناسه
ردت اشبگنه وچونه انفاسه
ردته يحچي ومن سمعت احساسه
گال زينب توه گصوا راسه

گتله عوفه انه بمچانه
وهاك گص راسي بمكانه
ياهو عينه الضل عليه عليه
باچر اتوكل سبيه سبيه
________________
تحميل mp3 برابط مباشر
( اضغط هنا )

[❀ فتافيت السڪر ❀]

اميرالفتلاوي
،،
جميلة ،، أحسنت في ميزان حسناتك
بارك الله فيك ، الله يعطيك العافية
موفق