كلمات قصيدة على نوق الهزل- رقية : الحاج باسم الكربلائي ( مكتوبة : تحميل بصيغة mp3 )
القصيدة :على نوق الهزل- رقية
الشاعر: سعيد الصافي الرميثي
_______________
على نوق الهزل لمن مشينه
ثكاله و جم مصاب المر علينه
_______________
مصيبه من مصيبه أعظم لفتنه
يتيمه إمن اليتامه شيبتنه
رقيه اشما نسينه و ذكرتنه
بجت حته الأرض لمن بجينه
حسينا وا حسيناه
_______________
أبوها القلبه ينبض بالمحنّه
بعد هي ما تروت شوف منه
على طول الدرب تنشدني عنه
إذا جان إبسفر ما رجع لينه
حسينا وا حسيناه
_______________
أبويَّ العوداني أغفه إعله إيده
تعبت امن النشد و اليوم أريده
بعيده جيته يمكن بعيده
و أظن حال الأجل بيني و بينه
حسينا واحسيناه
_______________
طفله و يمك إمعلق قلبها
و أيام السبي متعب دربها
بعد ما غفت من شدة تعبها
هوت من عله الناقه و ما درينه
حسينا واحسيناه
_______________
لن رمح العليه راسك تحير
ثبت فوق الأرض و بضيه نوّر
و شياله إعله رفعه إيصيح مقدر
هذي معجزه و بيها إبتلينه
حسينا واحسيناه
_______________
علي السجاد قالوا خل نسأله
رمح راس الحسين إشلون أحمله
قلهم بالله فقدوا إنخاف طفله
ضربتوها و هوت من الضعينه
حسينا وا حسيناه
_______________
رقيه امن الضعن يبن أمي طاحت
جا وينه الكفلنه إبصوت صاحت
يا عمّه صحت عزتنه راحت
يوم القطعوا إيساره و يمينه
حسينا واحسيناه
_______________
لون حامي الضعن عباس يمنه
ما واحد ضربنه و لا شتمنه
ساعة طيحته و إحنه إنهضمنه
نشاجف ضرب السياط بإيدينه
حسينا وا حسيناه
_______________
للأستماع
تحميل mp3
من هنا
رد مع اقتباس
المشاركة الأصلية كتبت بواسطة احمد الگرعاوي
