مجموعة قصائد لزيارة اربعين الامام الحسين علية السلام ؛ قصائد لمشاية الأربعين ؛ شعر شعبي لزيارة الأربعين ؛ شعر حسيني للمشاية 1443هـ ؛ قصائد ولطميات مكتوبة لزيارة الأربعين 1443هــ 2021 ومضات حسينية ؛ ردات حسينية للمشاية 1443هـ
_________
(1)
معتنين الجـنتك مشــايه
عالعهد يحسين الك وفايه
________________________
عالعهد وياك نبقى ياحسـين
مانعوف زيارتك كـــل السنين
نعتنيك وليك ياخذنه الحنين
انت غايتنه وأجل كل غايه
________________________
انت غايتـنه يبـن سـيد البشر
ليك مشايه نضل طول الــدهر
اي وحك ضلعك وحگ دم النحر
العشگـ بينه اعتله ويه الرايه
________________________
هزنه شوگ الشوفتك يبن الامير
وارتبطنه وياگ واحد هالمصير
هالعشگ خله العدا بينه تحـير
بعنه الارواح والك شرايه
________________________
جـنه حـبك ياسـليل الانبــياء
ومن دمائك ارتـوه طف كــربلاء
يارمــز للتضحيه ورمـز الابــاء
تجمعت يحسين الك كل هايه
________________________
تبقه الك خطواتنا اليوم الممات
والمشي يحسين الك هـوه الحياة
ويه كـل خـطوة تمــر الذكريات
رحمه انت من الاله او أيه
________________________
رحمه انت ونزلت بأرض الطفوف
تعتنيلك زايره حـشود وصــفوف
مامنعه ارهاب لا يمعنها خــــوف
وكربلائك بالعشگ عطايه
________________________
.وكربلائك للنصر گعبة صمود
ومدرسة حبك وفاء بلا حـدود .
وبغرامك كلنه اصبحنه جنود .
والشهاده صارت النا الثايه
.
الشاعر ابو سلام الفتلاوي
************************************
(٢) نعي
بالاربعين الناس تقصدللحسين ..بالملاين اشكثر مشايه
واناوياهم بعدودي اروح
وامشي وياهم وبيدي الراية
ودي وياهم انااوصل احسين
والزم الشباج وادعي بحضرته
ودي اتعفرعلى قبره واصيح
واذرف الدمعات لاجل مصيبته
شنهوذنبي انايارب اشجنيت
حتى تحرمني اناامن زيارته
ودي يامظلوم ازورك
والدمع مني ايتجاره
لكن اسمي ماتسجل
ياوسف هاي الزيارة
ياماابجي من اذكراسمك
وبحياتي انته كل شي
ودي يامظلوم ازورك
من قبل مايشيلونعشي
ودي احمل راية بيدي
وياهالمشاية امشي
بس اناماسجلوني ابهاالسنه واشهاالخسارة
سيدي يوم اربعينك
من يمربقليبي حسرة
ناس تمشي يم ضريحك
تبجي وتجري العبرة
ودي وياهم اسافرل
اجل اواسي امك الزهرا
ولاجل اوسي الهادي جدك
والوصي حماي جاره
قلبي متلهف اتمنى
بس لارض الطف اسافر
(اسمعوهالبيت شيقول)
اسافر وامشي واسمعها
خدامك اتقولي اتفضل يازاير
عطفك ولطفك ياغريب الغاضرية
خذني للقبة والمنارات العليه
مشتاق وقلبي يكتب بدمعي رسايل
ومتلهف امشي بينك وبين ابوفاضل
اذكرمشي زينب تنادي ابغيراكافل
ضليت واسعيي بينكم يااهل الحمية
ادخل لصحنك حاسروتجري ادموعي
وأهوي على اعتابك وأبدي لك خضوعي
وأصيح ليت بكربلا انرضت اضلوعي
ولاكان صدرك ينطحن بالاعوجيه
(ايقول )
الله اشعظمهال حظة ادخولي يامولاي
انظرضريحك واجري دمع العين هماي
ومن يجري دمعي اذكراوقوفك على الماي
عطشان وعفته لاجل عين الهاشميه
ومااحلى السعي بين الحسين وبين عباس
ادخل على كافل الحورامهبط الراس
واصيح واصرخ سلام الله على صاحب النوماس
راعي اللواساقي ضماياالغاضريه
ماايصيرأدخلك ولااذكرلك خواتك
والله يابوفاضل تحيرني صفاتك
تحضرالى الينخاك حتى في مماتك
واختك تنخي كانت وراحت سبيه
عباس ياعالي المناره وعالي الهام
بشكي لك
الكوفه وحال
النساوالايتام
وبشكي لك ادخول العقيله ابلدة الشام
ولومرعلى الخاطرسترها
اسمح اليي
تدري انسلب حتى المخرق من المظلوم
واشتظن خلومن ستريوم الهجموالقوم
بيك انتخت ذيك السليبة ونادتك قوم
سلبواخماري وصرت اتستربيديه
________________________
(3)
الأربعـــــــــــــــــــ ـــــين
________________________
والله لعوفن كل هلي وأرجع أزورن كربله
مشايه في كل عام
________________________
كل يوم عنـــــدي أُمنيه أوصل عراق أهل الضمه
وبكل فخـــــر أتعلمــه نوح الحمــــــامه وأكتمـــه
شايل عشــــق كله ألم ينزف صبــــــــر كله دمه
ومن الأرض صرخة حزن يوصل صداها للعله
________________________
أتمنى يمك سيــــــــدي أحملها رايــه معفَّره
وأكتب عليـــــها مايهم لجلك جبيني مطبَّـره
هذا الشعار ابكل زمن خل الدمى فوق الثره
حقك أبــــــــد مانعرفه لكــــن قليل ونحمله
________________________
يحسيـــــن اجيتك بالمشي والعبره تحضن وجنتي
شفتك كتــابي ابكل وقت وأدري ابكتابك صفحتي
نور انتــــه عاكس للشمس نــور وشفتها شمعتي
وعطر التراب امن المشي تركيزه حسره ابمقتله
________________________
طلبــه امامي ولا عجب لوشفتـــــه اسمي ينكتب
سجلني في أعلى الرتب واحفظني من يوم اللهب
ماريـد أرد وألقى العتب جــرح البشر يحمل تعب
يمك امـــــامي هالطلب ونتــــــــه القلب ماتخذله
________________________
للمهدي جيت أحمل علم وأنعى غيابه بالمحن
وأبقى على دربــــه أبد من مولدي حتى الكفن
جيت أدعي ياربي العَجَل رِد الامــام ابهالزمن
ثار الحسيــــــــن النطلبه بيد الي غاب ونسأله
الشاعر ابراهيم مكي
________________________
(٤)
أربعينية سيد الشهداء المقدسه
________________________
يحسين جينا بالحزن يبن الزجيَّه
يحسين عينك ماغفت لجل السبيَّه
________________________
هالليله يمك *** دمعتها دمك
أمك ابضلع المصيبـــــه وماشكت همها
بالهم تشوفك *** تنزف حروفك
ردَّت ونادت تريــــــــدك يبني اتضمها
يبني المصيبه *** اتقلك عجيبه
من بكت شافت دموعك كلها من دمها
عذبني يحسين *** من شفته بالعين
لاكنت يبني أشـــــــوفه ولاكنت يمها
أنا أبوك المصطفى وجيت ابعزيه
يحسين عينك ماغفت لجل السبيَّه
________________________
من تنظر الها *** تبكي مثلها
ينجرح قلبك عليـــــــــها ابحسره يالغالي
هاي الوديعه *** ابقصه فجيعه
مثلك اتكسَّر ضلعــــــــها ويشهد الوالي
جدك تحسَّر *** لمن تغير
يبني من صابوا صدرها وشافته عيالي
يوم أربعينك *** الله يعينك
من تصيح أمك يحيـــــدر يالغبت تالي
حيــــدر ينادي للنبي كانت وصيَّه
يحسين عينك ماغفت لجل السبيه
________________________
ابخط الشريعه *** مشايه شيعه
أحيت ابيومك شعـــــــــاير الله أحياها
يمك مواكب *** تحمل عجايب
وكل ملك شاف المواكب نجمه سمَّاها
انته قمرها *** وعاشت سهرها
تلطم وتبكي لجلنــا وربي ســـــوّاِها
ماتبخل ابدم *** وتقلك اشكم
اطلب أرواح ونقلك ســاعه محلاها
نتمنى يمك من نجــي نلقى المنيَّه
يحسين عينك ماغفت لجل السبيَّه
________________________
رغم الاعادي *** كانت تنادي
احنا يحســـــــــين ابأمركم نمشي للآخر
جتنا ابشهاده *** وشرَّف عباده
ربي وابساعه جعلــــــها بسمك اتجاهر
شافت وجودك *** كاتب خلودك
عاشت وقالت أمـــانك ماضي وحاضر
عدها عقيده *** وجرحك تعيده
كربلا الكون ابمداره وكل وقت عاشر
الله خلقهم للبكي صبـــــح ومسيَّه
يحسين عينك ماغفت لجل السبيه
________________________
وسط المدينه *** يحمل كمينه
خاين وشايل سلاحــــــــــه قاصد العمري
الله ونبيَّه *** وبنته وعليَّه
وقفوا ايصدوا الأعـــــــادي يالحسن تدري
ونته ابشجاعه *** وللحمزه ساعه
فيها غيَّرتوا القضيـــــــه وشلتك ابصدري
والمهدي صانف *** بدموعه واقف
أشرف الناس ابحــــــــراسه للخدم تجري
الي خدمنا نحــــرسه ابساعة أذيَّه
يحسين عينك ماغفت لجل السبيه
الشاعر ابراهيم مكي
________________________
(٥)
مشتاكَين ياكربله ... مشتاكَين ياكربله
مشتاكَين طول الدرب ... مشتاكَين ياكربله
من رحنه لديار الغرب ... مشتاكَين ياكربله
ردينه والمدمع يصب ... مشتاكَين ياكربله
هذا شعار الـــــعايله ... مشتاكَين ياكربله
مشتاكَين ياكربله ... مشتاكَين ياكربله
من رحنه بدروب السبي ... مشتاكَين ياكربله
بعد ج ولانه الناصــــبي ... مشتاكَين ياكربله
ردلج ضعن آل النـــــبي ... مشتاكَين ياكربله
يصدح نشـــــيد القافلة ... مشتاكَين ياكربله
مشتاكَين ياكربله ... مشتاكَين ياكربله
من عودينه من السفر... مشتاكَين ياكربله
مشايه والدمع ايحدر ... مشتاكَين ياكربله
للظل طريح عللنهر ... مشتاكَين ياكربله
والعلم نندب شايله ... مشتاكَين ياكربله
مشتاكَين ياكربله ... مشتاكَين ياكربله
زينب والاطفال ارجعت ... مشتاكَين ياكربله
تنظر اخوها اتصورت ... مشتاكَين ياكربله
للنهر بالعين اشبحت ... مشتاكَين ياكربله
عباس وين اتسايله ... مشتاكَين ياكربله
مشتاكَين ياكربله ... مشتاكَين ياكربله
ردينه والمدمع جمر ... مشتاكَين ياكربله
لمن نظرنه للكبر ... مشتاكَين ياكربله
ياريت اظل طول العمر ... مشتاكَين ياكربله
بديارج انه نازله ... مشتاكَين ياكربله
والشيعه تشبه عيلتك ... مشتاكَين ياكربله
مشايه كصدوا حضرتك ... مشتاكَين ياكربله
من لاحت الهم كبتك ... مشتاكَين ياكربله
هالدمعه صارت سايله ... مشتاكَين ياكربله
لمن رجعنه للوطن ... مشتاكَين ياكربله
كَلوبنه يمــــك بقن ... مشتاكَين ياكربله
هذا شعار الما وهن ... مشتاكَين ياكربله
للموت نبقه نرتله ... مشتاكَين ياكربله
(الشاعر مازن الشطري)
__________________
(٦)
(( دفتر حبيب ))
لزيارة الأربعين
__________________
مكسور أنا خاطري ظليت احن بالدار
وعيوني تهمل دمع والقلب يسجر نار
ما كتب إسمي حبيب ابدفتر الزوار
مالي نصيب السَّنه يعني يبوالأحرار
أحچي اويانفسي بألم وبخدي دمعي جرى
يعني حبيب السَّنه ما كتب في دفتره
إسمي ولا سجَّله اولا قطع لي التذكره
ما ايريدني بوعلي هالأربعين احضره
عشرين قرّب ونا ماشوف إسمي انكتب
چنّه حبيب السَّنه ناسيني أو مارغب
لزيارة الأربعين أحضر على اسمي شطب
ياويح قلبي إذا الحبيته مني غضب
كل المواكب سرت تمشي على الأقدام
راحت إلى كربلا تزحف مثل كل عام
وظليت وحدي أنا من دون هالخدَّام
حاير ودير الفكر مغموم قلبي هام
خايف أنا خدمتي ما قبلها مولاي
والهٰذا ماسجلوا إسمي في عامي هاي
مولاي منك العفو لا اترد صفر يمناي
غيرك يغاتي فلا ليَّه حد ابدنياي
أدري امقصر أنا في خدمتك أدري
أعتذر ياسيدي مولاي إخذ عذري
وسامحني يابوعلي واعطف على كسري
وشخانتي لو نقص من چفَّتك أجري
ابحق زينب أمّ الخدر وبكل أسى تحمله
واللي ابظعنها التزم مني العذر إقبله
واقبلني خادم إلك والناصرك قلّ إله
إسمي ابسجلّ الخدم والزاير ايسجّله
من وين اجيب الصبر يابوعلي من وين
وانا أشوف الربع للسفر متحزمين
وين العزم يالربع قالوانزور احسين
مشايه بألأربعين انروح متعنّين
اخذوني معاكم أجل مشّاي بازوره
لوأزحف اعلى الوجه لورجلي مكسوره
بس لا يكون انحرم من وصلته ونوره
باواسي امّ الحزن بمصابه مأجوره
____________________
(7)
(( الزيارة الأربعينية ))
____________________
أفواج أفواج أفواج جينا ياحسين
أفواج أفواج أفواج جينا زاحفين
____________________
كربلا جينا نلبّي للنداء
نمشي حفايه ونرفع للواء
جينا لنقدم إلى الزهرا العزاء
والنواسيها ابمصاب الأزكياء
للنوح للنوح للنوح نعلن والحنين
أفواج أفواج أفواج جينا ياحسين
____________________
هروله يم كربلا جينا حفاة
أربعينية الظامي بالفرات
نندب المذبوح مرمي بالفلاة
داست ابصدره الخيول العاديات
مسلوب مسلوب مسلوب مقطوع الوتين
أفواج أفواج أفواج جينا ياحسين
____________________
أربعينية أبو الخد التريب
جينا مشايه إلى طف الغريب
حافيين القدم في نوح ونحيب
نلطم اعلى الراس والمدمع سكيب
آلاف آلاف آلاف تلطم عالجبين
أفواج أفواج أفواج جينا ياحسين
____________________
كربلايا أرض لمصاب الجليل
أربيعينية المظلوم القتيل
جينا من كل حذب نهرع بالعويل
جينا نستقبل الحورا والعليل
أحزان أحزان أحزان نصرخ نادبين
أفواج أفواج أفواج جينا ياحسين
____________________
المواكب مستعده للطفوف
كلها مشايه إجت تزحف ازحوف
حجة المهدي سبق كل الألوف
حاسر وحافي ويدق راح الچفوف
مفجوع مفجوع مفجوع من قلبٍ حزين
أفواج أفواج أفواج جينا ياحسين
____________________
الكربلا الزوار وصلت ياعلي
وامتلت كل الشوارع يالولي
وصوت ونّه الحجة الله معتلي
ايصيح لو أجذب الونَّه ايحق إلي
مذبوح مذبوح مذبوح ياجدي وطعين
أفواج أفواج أفواج جينا ياحسين
____________________
حجة الله حاسر الراس بألم
يلطم ويبچي وحافي للقدم
للزياره الأربعينيه الأمم
جايه اتعزيك يابحر العلم
مأجور مأجور مأجور يبن الطيبين
أفواج أفواج أفواج جينا ياحسين
____________________
( منقول )
رد مع اقتباس
المشاركة الأصلية كتبت بواسطة نغم الجبوري
