هنا

[الملاذ الاخير]

قصيده " ماي النهر "
الرادود " محمد الحلفي "
كلمات " حسين البغدادي "
محرم 1443-2021


يا عباس .. يا عباس

ماي النهر جتاله .. والتمت الخياله
يسلم صدك حسباله مايدري هوه
عباس طب للحومه .. والزعل جوه رسومه
عادل اجتافه ليومه والموته تسوه

يا عباس .. يا عباس

طبها وتعده .. ياهو اعلى گده
ماكو النهر والحرب قطره بخياله
فات اعله موته .. وما هد باخوته
طيرها روس الزلم سيفه وجماله
وتحصروله .. جيش اعله طوله
ومن طب عليه عباس .. تبجي اعله حاله
عطر الحسن بحروفه .. وبوسه علي بجفوفه
ويم الحسين نشوفه .. كافل الخوة

يا عباس .. يا عباس

ماخذ عليهم .. مايدرون بيهم
وجه وكفه الفرسان شردها شرده
اكبار العساكر .. جوه الحوافر
مثل السهم عباس ياهو اليرده
شبها وطفاها .. وتحلفها
وع المشرعه العباس ماخذها وحده
ريس عليها وقائد .. عباس والله الواحد
ويه النهر متواعد .. والملگه يسوه

ياعباس .. يا عباس

كل ماتقدم .. يتصاعد الدم
شيخ اعله جفه يلوك سيف الرئاسه
صاحو احاهم .. ركضو لگاهم
وع الشردو من النار خلو حراسه
طيح علمهم .. شردوا زلمهم
والگابل العباس مايلگه راسه
طم النهر بجدامه .. تطفه الشمس كدامه
عباس ذب لثامه .. ويرحوله فدوه

يا عباس .. يا عباس

نهر المنايا .. ما ينطي ميايه
بس من اجه العباس ظل يجري بسمه
وفه وتكفه .. روحه اعله جفه
بضلوع حط الجود وبگلبه ضمه
كلبه اعله درعه .. ياهو اليرجعه
وع المشرعه العباس بس هو زلمه
بالرگب ثلم سيفه .. والموت صار بكيفه
عباس ياخذ حيفه .. وكفاته حلوه

يا عباس .. يا عباس

يرجع يتاني .. ماعنده ثاني
من الخيمه كلب حسين يسمع حسرته
زينب تگله .. ها خويه سهله
تدري انتة مو عباس ينطي بكلمته
بروس المنايا .. حط جفه رايه
غيم السمه لماه حطه بجربته
ع الغيم دارت عينه .. يسمع صياح حسينه
حي الله راعي الزينه .. وريس الخوه

يا عباس .. يا عباس
















للاستماع الصوتي MP3

[علي الواسطي]

شكرا احمد

[حسين عباس.]

جزيل الشكر احمد