ماينقاس نوح وطوفانه بجفينك قصيدة حسينية مكتوبة 2021 - 1443 هــ اشعار حسينية مكتوبة ؛ شعر شعبي حسيني ؛ قصائد حسينية 2021 قصائد بحق الامام العباس عليه السلام 1443 هــ لطميات حسينية مكتوبة
____________________
( بحق الامام العباس عليه السلام )
ماينقاس نوح وطوفانه بجفينك
ماينقاس صوت الدنيه بسكتت عينك
اعرف كره روحه الماي
من كتله ماتمشي وياي
ماينقاس
___________________
بده العاشر على وداع وعطش مسموع
وطفل مو سهله يرجع نحره ما مكطوه
سهم حاضنته عينك والعقيله تلوع
واساسا عالرمح راسك علم مرفوع
كلهه اكبار بالطف من عبد الله لعابس
كلهه اكبار بكماطه وعالجنه ينافس
عبدالله زعلته هواي
من كتله ما تمشي وياي
ماينقاس
___________________
اكو ابالك عطاشه وخيمه شبعت نار
جبيره الفركه بالطف واليتامه ازغار
طحت والجربه بعدك دخلوهه انذار
اليذبحك دمه بارد وانته راسك حار
كلك ماي الله موفقه اليترس جودك
كلك ماي زمزم حملهه على زنودك
شفت النهر مو وفاي
من كتله ما تمشي وياي
ماينقاس
___________________
طحت واسمالله صاحت فاطمه الزهراء
كبل كل الخليقه من الالف للياء
وعلى الخيل التدوسك دمعت حواء
يمن صدرك تبده ولمته الصحراء
بيهه احساس من زينب تشتم جفوفك
بيهه احساس من ما عرفت ليش تعوفك
صوت اختك يبجي الناي
من كتله ما تمشي وياي
ماينقاس
___________________
شعجب نار المخيم ما جوت جبريل
شعجب هضمو رقيه الجنه خسرت جيل
شكبر نهر الفرات وباليتامه يعيل
بده يعد العطاشه ويالثواني الميل
كلشي انباك بالطف ما ضل بس الموقف
كلشي انباك ترجيتمن ذيج الترجف
جفك بقه يدور فياي
من كتله ما تمشي وياي
ماينقاس
___________________
عشت عمرك نهر بس ما شربت الماي
التكتلك وحده عينك والسهام هواي
بواجي الطف وراكم يصفنلهه الناي
اليتامه بلايه جودك ماكو عدهم راي
هوه شراد كلولي شغثتكم عينه
هوه شراد عالماي موصيته سكينه
ضل الفرات بلا راي
من كتله ما تمشي وياي
ماينقاس
___________________
للشاعر محمد رسول الحميري
رد مع اقتباس
