الله اليعلم شلونك توضه السهم بعيونك قصيدة حسينية مكتوبة 2021 - 1443 هــ اشعار حسينية مكتوبة ؛ شعر شعبي حسيني ؛ قصائد حسينية 2021 قصائد بحق الامام العباس عليه السلام 1443 هــ لطميات حسينية مكتوبة
____________________
( بحق الامام العباس عليه السلام )
الله اليعلم شلونك ... توضه السهم بعيونك
وصلت فوكك الخيل
هنياله السهم باسك ... ضل متعلق براسك
قرر يعشك الهيل
احلف يا رمح ... ما اخلي الصبح ... ينزف
_________________________
جم غار انترك ... بعدك يا ملك
كلبي يحملك لوم
يا اول نعش ... بي كبره انتعش
خلنه ويالعطش كوم
وجهك والكمر ... صيتك والقدر
جيتك والمطر توم
يستاهل هله ... لا يا كربله
ما ضل وي هله يوم
صوتك يصنع الفارق ... جيتك وصفت الخالق
من تمشي النفس دين
بعدك ضحكتي اتنافق ... راسك عالرمح.عائق
سهمك غثته العين
احتاجك ضهر ... يا اول نحر ... يعزف
تحلف يا رمح ... ما شلت الصبح ... ينزف
_________________________
بجروحك حده ... موكب للنده
وبريتك بده الصيف
تنزف والسمه ... تتوضه بدمه
بالعاشر ضمه ضيف
اذني الحجي ... جاوين انتجي
بالغربه البجي سيف
مر يالماتمر ... لوني العمر
واشمر عالصبر طيف
حاول تفهم جروحي .... ياسرضحكتي ونوحي
طول خلكك وياي
كلي بيا سمه انشوفك ... خل نتلاحك اجفوفك
ما مستعجل الماي
فشله على السهم ... من خله الخيم ... ترجف
_________________________
يارب مشكله ... البعيونك حله
من تتامله يعود
يا سر هيبتي ... وكامل غايتي
خلي لدمعتي حدود
ما نرجع سوه ... جا هاك الهوه
جرحك بالدوه يزود
اني ويالضمه ... جرحك والدمه
نوكف بالسمه شهود
نفرض كطعو زنوده ... يمشي الكافل بزوده
زايد خير الزنود
ضيف كربله بجوده ... عيني بدربه مشدوده
وصوته ابالي معكود
واعدني بنهر ... مو طبعه الكمر ... يخلف
_________________________
هو الينولد ... بحضان الورد
لابد ينحسد ليش
جرحك ينعزف ... بسمك ينحلف
جيتك تسوه الف جيش
بغيابك مره ... عاشت مجزره
جيتك تنشره ابش
جفنك ينطبك ... تطلب خلك
مو معنه العشك طيش
من ابتسم جتالي ... صحت الكمر يا الغالي
شلونك عالرمح زين
من بين ضوه كبالي جن حال الورد حالي
واندل العطر وين
صيتك يالنهر ... وي جيت الكمر ... يصدف
_________________________
ما بيه انتضر ... واوراقك صفر
كل خطوة هجرعام
كافل رتبتك ... ملجئ خوتك
يامن نيتك جام
بجيت الحجر ... صفنت القدر
جرحك يالكمر خام
نحر القل هوه ... من ينزف ضوه
معناهه ارتوه اسهام
قصة نحرك وياهه ... تصدف من يمر طه
لاكن وجهه مخطوف
باجر بالسمه انشوفه ... للمازلن اجفوفه
موكب وزع اجفوف
بسك يا قدر ... اني ادريالكمر ... يخسف
___________________________________
للشاعر محمد رسول الحميري
رد مع اقتباس
المشاركة الأصلية كتبت بواسطة الكاتبة الأنيقة
