بس اله تلوك الكفاله قصيدة حسينية مكتوبة 2021 - 1443 هــ اشعار حسينية مكتوبة ؛ شعر شعبي حسيني ؛ قصائد حسينية 2021 قصائد بحق الامام العباس عليه السلام 1443 هــ لطميات حسينية مكتوبة
____________________
( بحق الامام العباس عليه السلام )

بس اله تلوك الكفاله
عالرمح وانه على باله
نفس مايرضة ياخذ الة وياي
وبذاك العطش هز ايدة عالماي
عالرمح وانه على باله
____________________
كالو ميت وكتلهم انتضره
يرجع من يشوف وجوهنه الصفره
جنت ما مفتهمته الينكسر ضهره
ومن طاح ابو فاظل وصلت الفكره

من وكع شفت اليتامه
جنهم ابيوم القيامه
جفوفة على النهر بس كلبة وياي
وبذاك العطش هز ايدة عالماي
عالرمح وانه على باله
____________________
احلفك باليتامه ودمعت سكينه
عينك للسهم لو عينك علينه
رحت بس انته تدري شبينه ما بينه
شجاوبهه التكلي حزامكم وينه

التفت للبيده رايه
وانسه روحي ويالسبايه
واذكر دكلي صدره الما إجه وياي
وبذاك العطش هز ايده عالماي
عالرمح وانه على باله
____________________
مو ياهي التجي وشيلتهه تعكدعه
الما عدهه ابو فاضل كلشي ما عدهه
كالوله انته اخوهه وكال والدهه
وبقه يدور شمس بالعاشر يردهه

يعتني بمايه ويعطره
بلكي نشرب منه كطره
منو العدهه كمر من زغره وفاي
وبذاك العطش هز ايده عالماي
عالرمح وانه على باله
____________________
الهوه المازار نحرك طردته الريه
كمر والخوه عندك ميه بالميه
عفت جفك وراك وسولفت بيه
وخليت الرمح متروس حنيه

اقره ايه عالاكوله
لا يحسدوني على طوله
اعتذرت من الهوه واتنفسه هواي
وبذاك العطش هز ايده عالماي
عالرمح وانه على باله
____________________
هله بهيبة عقيل وجعفر وطه
هله بريحة ابوي الما خسرناهه
هله بالربت وما خيب ارباهه
هله بالغزرت كعدتكم وياهه

دمعة امك عالسبايه
بالسمه اندكلهه ثايه
وتعبر واني اكول ام الكمر هاي
وبذاك العطش هز ايده عالماي
عالرمح وانه على باله
____________________
الله يا كمرنه شعندك ملوحه
تحياتي لخوي ونحره وجروحه
فرح بيك النهر واتوقع تلوحه
وبديته ولهسا ياكل بروحه

صلت الجربه على جتفه
والعرش سواله زفه
رجع يمشي على طوله وهوه ابو الراي
وبذاك العطش هز ايده عالماي
عالرمح وانه على باله
____________________
للشاعر محمد رسول الحميري