فتحوهه بيبان الصبر قصيدة حسينية مكتوبة 2021 - 1443 هــ اشعار حسينية مكتوبة ؛ شعر شعبي حسيني ؛ قصائد حسينية 2021 شعر للسيدة زينب عليها السلام مكتوب 1443 هــ لطميات مكتوبة
_____________________
( للسيد زينب عليها السلام )
فتحوهه بيبان الصبر زينب نبي ولازم تمر
والعنده غثه ويالورد خيدنك من يمر عطر
_____________________
معقوله زينب تنكره من الله نعشكه الشمس
جنه وظلمناها بوكت حتى النبي تلكا شرس
الورده اذا غصت تره الفلاح يتلقن درس
ونتي بحديقتنه عمر ردتينه بيتامج نحس
شفناج بس كلشي انعمه نجمه وبقيتي بلا سمه
شبعتي غيم الطف ظمه وبديتي عالماتو عمر
_____________________
يالشلتي راسج عالرمح غيرانه من راس الكمر
خليتي بعيونج سهم ونطيتي جفج للنهر
عودتي روحج عالسبي وشبعتي ضحكاتج قهر
شفتيه اذا واحد يطب للجنه من يم النحر
اتعوذي برب الفلق لعيونج الكون انخلق
جبريل يشعر بالقلق من يسمع امتونج حمر
_____________________
يالصحتي بالشام او سكت باوعلج اودنك خجل
طبيتي مترهيه لان شفتيها ماتسوه الزعل
او لو نفترض ضلج طلع ونشاف جا ما يبقى حل
او جا موسى ماشك البحر واحسب خليل الله انفعل
صوتج رساله من العرش الجنه على دربج تنفرش
جبريل بدموعج يرش تنزل على احبابج جمر
_____________________
الغيمه شافة هيبتج مطرت على الوادم حسد
وجابو مناجلهم وجو خلوج روح ابلا جسد
ظلمو هديه من النبي وجبريل عالوادم شهد
دمج نزل چوه الثرع اوفوك الشمس نورج صعد
بحروفج الكون اشترك ينزل ملك يصعد ملك
من صحتي نمرود افترك شافج هدمتيله قصر
_____________________
بالطف نزل دمع الوحي والدم وصل لاخر جنح
شمرو سهم ماحسبو نص من محمد ينذبح
كعدت جهنم عالعرش والجنه شالوها برمح
خاويتي كطرات الدمع يبرد جرح ينزف جرح
ادم نزل شايل غصن بي ورده ايه من الحسن
عطشت لجن شبعت حزن والتفتت ادور كبر
_____________________
للشاعر محمد رسول الحميري
رد مع اقتباس
المشاركة الأصلية كتبت بواسطة مِـيهہرَمــآهہ ♬❥
