هنا

[اميرالفتلاوي]

عمه اخذيني وياج قصيدة حسينية مكتوبة 2021 - 1443 هــ اشعار حسينية مكتوبة ؛ شعر شعبي حسيني ؛ قصائد حسينية 2021

قصيدة مولاتي العليلة عليها السلام

عمه اخذيني وياج
أول مره أنخاج
توجعني وتكسرني حجاية ها راح وخلاج
عمه اخذيني وياج
_____________________
بس اخذيني وياهن عمه وخل تاكلني النار
ويشمروني احجار
نشرد واحنه زغار
كلشي يهون وياكم وأفرح من اوكع وانداس
وأركض للعباس
وأمسح بيدي الراس
خليني أنطك وأنسب وأتعب وأعطش وي حسين
هذا الموقف زين
وارحم من الوين

العاشر والنار
أهون من الدار
أنسه الماي وخليني أعطش بس ما اريد أنساج
عمه اخذيني وياج
_____________________
أشتم عبد الله بكاروكه وعطره بوجهي يفوح
جا شيصبر الروح
لو كالو مذبوح
يا عمه اليعطش يتكطع نحره بيا دستور
ضامي وريجه يفور
نور وينزف نور
لسا بينه جروح المحسن ما لحكنه انطيب
باجر راسي يشيب
لو عبدالله يغيب

مثل الجوري يروح
ويرد المذبوح
باجر من تنطك متونج أمسح بيدي دماج
عمه اخذيني وياج
_____________________
اخذيني وياهن بالعاشر يرادلهن حيل
خاف يطول الليل
تلزم وليه الخيل
نتشاكفهه سياط متونج من ندخل للسوك
الياخذني على النوك
أترس بابه علوك
شيخلصه الليل بلياكم وياكم وأشتاك
عافيتي التنباك
لو كالولي فراك

عمه بهيج أيام
صعبه المثلي تنام
كلما غمض عيني أتخيل أصحه وما الكاج
عمه اخذيني وياج
_____________________
هاي اني بنصكم وجهي اصفر شحجيلج يم عون
جا بالفركه شلون
يتغير يا لون
أشبكمن يا عمه من أبرد وحشه وخالي الدار
خاف أرجف واحتار
وعلى الباب أندار
يرتاح الميت بس عمه الفاكد ما يرتاح
كل ليله ومصباح
يتراواله الراح

اه يا كلبي اه
ما تبرد ويلاه
كون الموت يسهل أمري وما أبقه بلياج
عمه اخذيني وياج
_____________________
هذا الليل تنامه الوادم معذور الما نام
واهله بدرب الشام
هم حكه ويحتام
عيني على الباب ومن تندك كل ضني ام كلثوم
شيقنعه الملجوم
مو كل غالي يدوم
كل طفله تريد اليحرسهه وطبع الطفله تخاف
باجر من تنعاف
تنذل وتنشاف

يكسر كلبي الصاح
ماي عيونج راح
يا عمه أدري بهذا الموقف أذاني وأذاج
عمه اخذيني وياج
_____________________
للشاعر محمد رسول الحميري

[مِـيهہرَمــآهہ ♬✿]

بارك الله وبجهودك الرائعة