هنا

[اميرالفتلاوي]

قصائد حسينية مكتوبة ؛ قصائد مكتوبة لشهر محرم الحرام ؛ قصائد حسينية مكتوبة ، قصائد مكتوبة ،قصائد مكتوبة للشاعر محمد رسول الحميري ، لطميات مكتوبة ؛ شعر حسيني مكتوب ؛ اشعار حسينية مكتوبة ، شعر شعبي حسيني

1- قصيدة (روحي)
__________________
روحي روحي من تشتاك لراعيها
روحي روحي أركض للموكب بيها
روحي روحي حسين أولهه وتاليها
__________________
بوسة شباجه عيد
وأقربلي من الوريد
بس يمك يا حسين
أرجع واحد جديد
أعشك غيرك حرام
يا سلطان الغرام
كلناهه من الاخير
ليش يطول الكلام

وينه وينه اليستاهل دمعة عيني
وينه وينه دلوني بمثل حسيني
روحي روحي كون بكل ليله أسبيهه
__________________
بهل المجلس كلبي ذاب
جم خادم عنه غاب
جانوا بين العزاء
صارو جوه التراب
لا تقلق وضعه زين
الدمعه الباجيهه دين
ما يوصلهم نكير
جي خدام الحسين

ذوله ذوله باجين على المسبيه
ذوله ذوله أنصار لكل علويه
روحي روحي انته التعرفه شبيهه
__________________
ترضاهه الامهات
باجر زينب تبات
يم ذباح الحسين
لا اخوه ولا خوات
العودهه على الدلال
حمل وبليله شال
الماي عليهن حرام
لاكن سبهن حلال

رادوا رادوا يرجع حكم الموؤده
رادو رادوا ننسه الكافل وزنوده
روحي روحي لزغر خادم منطيهه
__________________
بالمجلس سر عجيب
هم بي قسمه ونصيب
ناس اختارت يزيد
واني اختارك حبيب
عاري على الغبره جان
حته نحس بالامان
كون أشعر مره بيك
وانداس بكل مكان

خوفي خوفي تاخذنه الدنيه وننسه
خوفي خوفي يحسين نزورك ونسه
روحي روحي دمعه وبالباب أبجيهه
__________________
المجلس لو بي ونين
ونبرة شايب حنين
يعني بصفك حبيب
وابصفه ام البنين
أعرف مصلحتي زين
وادري اليشفعلي وين
شيعي وما أستراح
اله أبجي على الحسين

خيري خيري منك والينكر فنه
خيري خيري كبلك يحسين شجنه
روحي روحي بس عليك موصيهه
__________________
الحي ويالجماد
غيم وأعلن حداد
مكسورة الكائنات
ومغطيهه السواد
ننصب مأتم عضيم
للمعشوك القديم
نتقرب بالحسين
للرحمان الرحيم

حيلي حيلي بسمك يحسين مسجله
حيلي حيلي ينعز عليكم فشله
روحي روحي ملكك واصرف بيهه
(الشاعر محمد رسول الحميري )
__________________
2- قصيدة (بشر بشر)
__________________
بشر بشر كله ترافه
بشر بشر كله حساس
كمر كمر ما يتوافه
اسمه العباس
__________________
جني روحه وعافيته
مني ماخذ حنيته
عني ما يبعد نيته
ساكن بالشريان

جفه ردته على جتافي
اغفه يم كلبه الدافي
وسفه يالرايح كافي
ارجع يالعطشان

حلم حلم عني مسافر
حلم حلم خله وراح
كمر كمر باكه العاشر
ضامي وينداس
__________________
لحضه انضر لعيونه
ارضه واني الممنونه
مرضه ضلينه بدونه
رجعوا جفوفه وياي

وينه خلوني أشتمه
عينه غركان بدمه
زينه بس أكعد يمه
وما أريدك يا ماي


جرن جرن دم عيوني
جرن جرن هاي وهاي
كمر كمر شوف متوني
ترضاهه أنجاس
__________________
ويلي من كسر الخاطر
حيلي يتوذر باجر
ليلي يبدي من العاشر
غربه وسب ونار

ونه بالطف مخفيه
منه لو من علويه
هنه يتنخن بيه
عمه بحلك زغار

كرب كرب موتي الليله
كرب كرب درب الشام
كمر كمر وصي الشيله
تبقه على الراس
__________________
وحده رادت تشميله
عنده منهم تشكيله
زنده مكطوع دخيله
اه يا زينب اه

يمه رادت توصله
دمه رواهه تكله
عمه لو صاحت كله
يتراجف ويلاه

ترف ترف فدوه لروحه
ترف ترف مثل الماي
كمر كمر حته جروحه
واجب تنباس
__________________
شفته صفره وذبلانه
عفته متغيره الوانه
اخته تقره على السانه
يا زينب عطشان

جنه متغيره رسومه
منه مبيوكه هدومه
ونه تسمع بالحومه
ما يفهمهه انسان


نفس نفس جان بريتي
نفس نفس عاش وياي
كمر كمر وجهه امنيتي
يسوه الانفاس
__________________
شمسه غابت معقوله
شنسه من فدوه لطوله
أمسه هاليله الاوله
نايم عالتربان

تدري عفتك مجبوره
عذري حرمه ومكسوره
خدري متهدم سوره
حان الموعد حان

قدر قدر غير حالي
قدر قدر مني شراد
كمر كمر ها يالغالي
حسدتنه الناس
(الشاعر محمد رسول الحميري )
__________________
3 - قصيدة نور ونذرتك فدوة للنور

القاسم بن الحسن عليهما السلام
__________________

نور ونذرتك فدوه للنور
عطرك أمانه بحضن الكبور
جاهز جنت من أول شهور
أول طفل كاروكك يفور
__________________
حكه اذا كلبي انمرد
الام اذا تفكد ولد
تنتجي عليمن بعد
هواهه دواهه
يا أبو علي تمنيت روحي بمكانه
والينزف آنه

يا نار أطفي بيوم الاشتاك
نار الخيم لو نار الفراك
كلما ذكرتك والنفس ضاك
ريجك ييمه وكلبي مجمور
__________________
أصبر ومل الصبر
خلصت عمري أنتضر
مشكله الليل اليمر
أتاني أعاني
ياخذني ملج الموت يم الاريده
ياخذني بيده

حاجينه من حمل واجه وياي
من توفي عمك توفي لرباي
يوليدي دين بركبتك هاي
فشله على عمك تغله النحور
__________________
عفيه يالما قصرت
كافل لعمك صرت
راسي عليته ورحت
امانه حمانه
ودع شبابه وراح يم الزجية
صاحتله هيه

سلمته بيدج يا هوه الهاب
وشلون اجازي الينذبح شاب
وديته صدره من الشمس ذاب
رغم العطش ما شفته مكسور
__________________
مودع بالله وعلي
كلشي يمك ما الي
من كلتلي ادللي
يناري اثاري
تدري ابراكم موت خيل وعساكر
دم ومناحر

يا كربلاء ومو ابني اليخاف
الما قبل عماته تنشاف
وتأكدت عل الغبره ينعاف
وبل اليا هلا تستقبله الحور
__________________
يالعزلتك للثكال
انته يالدرك حلال
ما ردت منك دلال
حضنتك سألتك
كتلك ييمه أنخاك كتلي بخدمتج
يمه افتهمج

منهه وعزلتك بس للكبار
العدهه مثلك فشله تحتار
ابني على عمه من الهوه يغار
يا يمه من كل كلبي معذور
__________________
شفته صدرك ينسحك
من أريد الطم وادك
ما أوافيك العشك
شتاني واجاني
راسك مثل قران شايلته الرماح
حسيته مرتاح


بيضته وجهي وتعبي ما ضاع
حكي من أذكرك وانسه الوادع
اصعد ييمه لجدك بساع
ما قصرت يوليدي مشكور

( الشاعر محمد رسول الحميري )
___________________
4 - قصيدة(عاجل) للإمام العباس عليه السلام

عاجل وانطانه ايعاز الشمر عاجل
نفرض على الكافل حضر عاجل
جانت مهمتنه الكمر ما يوصل الماي
كناله اذا صارت صدك تعذرنه مولاي
عاجل عاجل
__________________
نفتحله الدرب ونقدم على الاستقاله
خاف يطبك السبعين الف طبكت رساله
ملاج واجه على المشرعه يدور حلاله
خفنه من الفضل لا يكبر ويبقه ابداله
وما يكضي الطف بهالحاله
ورطه شيخلص الطف ونرد ورطه
لحضه وكمر هاشم يهد ورطه
جنه احنه بس سبعين الف والكافل هواي
كناله اذا صارت صدك تعذرنه مولاي
عاجل عاجل
__________________
يرهب والفرس ما شالته وايد الله بيده
نص كالو نبي ونص حيدر النسخه الجديده
لو صابه السهم ما يجري دم غيره بوريده
غصبن عالحرس يم النهر سوه اليريده
لا يندك فرعون بموسى
شعره ما لحنه من راس الكمر شعره
بين العساكر والقدر شعره
سوانه أبو فاضل درب ضل رايح وجاي
كناله اذا صارت صدك تعذرنه مولاي
عاجل عاجل
__________________
ابن الا فتى مو للعب اخذ النصيحه
واحد يغلب السبعين الف عار وفضيحه
ياخذكم كرف للمشرعه وجيشك يزيحه
وكبال الكمر يتعذرك كل التصيحه
للبصره تهج الخياله
صفره ليلتهه جانت للعلم صفره
وانكلبت وجوه الزلم صفره
تيهنه كدام الكمر كل اربعه براي
كناله اذا صارت صدك تعذرنه مولاي
عاجل عاجل
__________________
الهدوا عالكمر والزامطوا شبعوا مهانه
يا رب سترك من الكافل الليله اشتهانه
الواحد ينولي وصار العكس هوه الولانه
نترس جربته بس بشرط يبقه بمكانه
وفصل العباس محضرينه
جربه نطي بمكان الوحده الف جربه
البمتونه بت عمنه وعرف جربه
بس الطلابه ويالكمر ما تخلص بهاي
كناله اذا صارت صدك تعذرنه مولاي
عاجل عاجل
__________________
كالو لا هلا العباس اجه وصارت مناحه
اليم النهر من القلق عبروا سباحه
ردنه نمشي زينب عالكمر خفنه بصراحه
شيخسر بالله اذا يطينه نص ساعه استراحه
معقوله ام عون موصيته
وليه من المخيم للنهر وليه
حط باله ويانه الكمر وليه
وتخيلوا الكافل اذا حط باله وياي
كناله اذا صارت صدك تعذرنه مولاي
( الشاعر محمد رسول الحميري )