قصيده " ياعمه روحلهم "
الرادود الحسيني : محمد الحلفي
كلمات الشاعر : فاضل حسن
محرم الحرام 1443-2021
ياعمه روحلهم .. عمتي بجت گلهم
ما اريد ازعلهم .. واحنة بوكت عاشور
من حسين والزينب تجي
تحجيلها وتشبع بجي .. المظلومه
تنطيها اخبار الخرب
وتنطيك وصلة من الكلب .. ملجومه
تسالك على الكافل بعد
وتكلها عمي اعلة الوعد .. واليومه
عمه خسف كلبي الگمر
عباس لو جفه گصر .. ما الومه
الله يساعدها .. محد بقى عدها
بالغربه وحدها .. بس الظلام يدور .. يا عمه روحلهم
من بعيد اخس تغيروا
من بوجع كلبي دروا .. ولياني
عباس وحسين شحجوا
واحد اعلة على الثاني انتجوا .. خواني
عباس عينه اعلة النهر
وحسين عينه اعلة الگمر .. اذاني
متواعدين اعلة الجرف
وخيالهم ماينوصف .. نوراني
عمه تفارگنا .. جنه انوكل حگنا
ويه الهم تشابگنا .. وحنه بضلع مكسور .. يا عمه روحلهم ..
ياعمه ياوجه النبي
يالشايله بجفك علي بالحومه
ها ياعلي وتشبه علي بعلومه
ياگمر وبخدك نجم
يا صدگ واحلى من الخلم برسومه
يالخدت گلبي مروتك
بدم الحسين محبتك مختومه
يا اجمل واجمل .. وبكلشي ماتنمل
تصير احلى من تزعل .. وجهك يگوم ينور .. يا عمه روحلهم ..
صدر الحسين الينشرح
لا تخنگ بوجه الصبح بعيابه
بالمعركة وتنثر عطر
من اعماره تحطلك عمر احبابك
يا احله فارس بالعمر
لو طاح دمك تنتصر بمصابك
يا نهر وبطولك جرح
ماتذبل بوكت الذبح بعتابك
ترخصنا نحجيلك .. يا دمعه نبجيلك
طايح گمر ليلك .. فوگ الجرح منشور .. يا عمه روحلهم ..
يالجنگ من اهل السمه
ياغصن شجره فاطمه المگطوعه
ياگمره خيام الاهل
عالي ضواگ شما نزل بشموعه
من شافه علمهره صعد
وحسين نص گلبه انمرد بضلوعه
فجعوا حسينك باليحب
ووعرفوه يذبح بالگلب موضوعه
ماتت ضمايرهم .. همة ومشاعرهم
كتبوا عواقبهم .. خلو گلبنا يفور .. يا عمه روحلهم ..
للاستماع الصوتي MP3
رد مع اقتباس
