هنا

[الملاذ الاخير]

قصيده " مشايه السمه "
اداء الرواديد :
الملا : كرار الكربلائي
الحاج : حيدر الصغير
كلمات الشاعر الحسيني : عباس طالب السعيدي
محرم 1443-2021

لو شاء القدر .. امشي كل شهر
وتصير السنة .. اكثر من صفر ..

كل ساعة وكل فترة
امشيلك هالفكرة
كون الموكب يبقى
وما تنشال السفرة .. ويضل العزم
اعشكها وهواية
مثل بنيتي الرايه
لو ترجعلي سنيني
لاكظيهن مشايه .. وامشي بالحلم ..

لو شوفي انعمه .. لمهجة فاطمة
مو بس الارض .. حزنانه السمة ..

هالعالم مو اي شي
بس انتة لا كلشي
من مدنا مجنونك
لو ميت هم امشي .. واخدم بالگبر
كل رايح لاحبابه
حيل اهتم بثيابه
واجمل ما بالخادم
لو زارك بترابه .. واشتم بي عطر ..

ياب العشگ .. ما ينسد صدگ
بس باب الضلع .. بالطف ينسحگ ..

عدي الزاير نعمة
شم يحسين اشتمه
لو انحط بالجنة
هم ارجع للخدمه .. حبك جنتي ..
حلوه شكد زوارك
من يحجون اخبارك
نتسابك ع الخدمه
ونتعارك ع الزاير .. تنزل دمعتي ..

خطار اعتنه .. احلى من الضنة
من اشتاگ الك .. سنتين السنة ..

ماتنمل ايامك
جنها فياي اخيامك
فقرة ولو ماخيرك
ماعدهم خدامك .. غيرك والبجي
مايمشن رجليه
بس الحب عوجيه
ياخذني ويردني
كل اربعينيه .. ع الحب انتجي ..

لو اخدم عمر .. وانذر جم نذر
ما اعوض طفل .. داس اعله الجمر ..
















للاستماع الصوتي MP3

[تشارليز ليلان]

احسنتم