هنا

[ღ عِشق ღ]

ما رايد احب بس انته مدري شلون حبيبتك وهاي الما محـسبلها
انه هذا الثگيل الخفه اجتني منين
لا يم روحي انته ولا انته بحلها
ولا اعرفك گبل لا حاط عيني عليك
وموش اعيونك چنت انه اغنلها
ولا من طينتي ولا حاطك عالبال
چا شبسع خذت روحي وصرت خلها
وگلتلك روح والروح اطلعت وياك
وضلت عجدتك بس جيب اليفلها
وضلت صورتك والعطر واللچمات
وادروبك الما شايفها وأندلها
والما حاچي بيها والـبحلگ الناس
والتوجعني والمن ربعي عازلها
أول مرة احس بروحي مابيه خير
من گمت اعله نيتي الناس اروحلها
ومن شفتك تذلني شما اتولع بيك
ومن شفت اويه غيري الظلمه تدخلها
تذلني والبسك فوگ راسي اعگال
روحي تحب اليغث بيها ويذلها
مادامك محطة لكل غريب اتصير
روحك الف واحد غيري يوصلها
ييو عيون الكبار جروح گلبي اكبار
بس مادري ليش اجروحك احملها
وهاي العافية الحسدتني عنها الناس
ابشرك من مشيت اتطشرت كلها
وماادري اليحب لازم صلافة ايشيل
وماادري التحن محد ايحن الها
وماچنت ادري بس لمن صفنتلها
لگيته ايطيح بيها المايعرفها
وطحت بيها وگمت وتبده مني الحيل
والعين انعمت من المكحلها
واثاري العشگ هم يريد راحة بال
وهاي الوتدم اتريد اليدللها
وانه ساصلحبي من كثر ماتعبان
روحي انساها مرات واردلها
وانه واحد گعدته ونومته بديوان
من باله السوالف هاي شايلها
الجكاير والسهر وهموم تالي الليل
لاهي اتلوگلي ولا آنه الوگلها

الشاعر حكيم الفريجي
zhr

[مِـيهہرَمــآهہ ♬✿]

حلوة حبي
تسلمين زوزاية