هنا

[ღ عِشق ღ]

ما لاگـيلي وادم بيها ذرة خير
تقراني قبل لاسـولف البيّه
يجون اعله الطمع بس آنه طيب ذات
اگل للناس جابتهم الحنيه
يدعون اعله چتلي ولمنْ يختنگون
اجيهم ابچيّ دم وجايـبّ الريه
سيف ابضيجهم وآنه من اطيح بضيج
يفزعولي بطرگ چلمة " الشعليـه "
شافوني گمر جابولي حفنة غيـم
وگلت خاف انحسد هالغطوا أعليه
اليحب بإذن اليحبه يخلي جرة إيد
وانه مااعرف أحطن غير ترچية
حنين وگلبي ماينطيني أأذي انسان
وانه ادري الحنين ايضيع تاليه
خناجرهم ابظهري وضامهن تذكار
خافن ماتصحلهم بعد جيه
حايطهم بنيته وصار علو الغيم
ومن كملته انطو للغرب فيّه
بعيوني ملح كلما اغفه يخلون
ويردون مني أحلام ورديه
خذو من عندي نومي، وعگلي،
والحلوات، وعيوني، وگلت خيولن اشويه
اجوني وگلت الهم ها تفضلوا خير
وگالو لا شغيله وگلت مگضيه
على راحة البال الظاهر ايدورون
ورحت انطيتها وبلايه منيه
انه معزب ومارد طلب للخطار
ابذن اتعرفّ اليحب العزوبيـه
وگلت ما الومهم انه چنت غلطان
الساس العوج يطلع صوچ راعيه
امعيشهم ابجالي شيوخ . لا وملوك
وعشت يمهم امدوهن چنيّ فصليه
وانه شراعهم لو طيحن ايطيحون
چا البلم شنهي البلم لوطاح مـرديه
خشنه گلوبهم بس بالوجه ترفين
مرات آنه احسهم مو بشر حيه
الماي اشما خبط بچفوفك اتصفي
سهل بس الفلك والمشكلة النيه
وما مليت منهم رغم كل الصار
الماي اشما يجف تذكر سواجيه
ابفرحهم مايجون ومايگلبوني
وابو الكلفات اذا عثروا يسموني
ماخلولي شي اتذكره وارتاح
عدا الطعنات والليل وأغانيه
جبت عمري استرلهم وبگفاهم ضال
ومن اعتب يگولي انته خاچيه

اهنا يل تمر چنت الفين، مره
اشبده وحتى حلاتك صفت، مره
سلف اربد وصبح بيد، مره
صرت والذله وصلتّ هيچ بيه

حكيم الفريجي
zhr

[نغم الجبوري]

ماخلولي شي اتذكره وارتاح.

عدا الطعنات والليل وأغانيه
....
يي ب علي
أحسنتي النشر عزيزتي