رجاءًا لحد اگبالي يجيب أسمه
دخلونه بعد كل واحد بهمه
وسلمولي عليه ، لا والله لتسلمون
لإن اعرف يگلـكم الله ليسـلمه
گلوله طحت من عينه طيحة ماي
مو طيحة خرز ويدنگ ايلمه
واخذوله هذن من عندي چم كلمه
وخلو ينتبه ويكون عد علمه
اليريد ايظل يظل اليروح الله ويا
واحد يفرض اعله الناس هم زحمه
بعد ماظل صبر مليت آنه أنسـان
مو حايط وياهو اليجـي ايثلمه
غشيم ونلچمت ماعندي عرف وراي
ياهو الطاح يمي اتلطخ بدمه
يوميه يجوني بخبر راح افلان
وشفنا يضحك وويا اجت لمه
هسه انه شعلي؟ انته شعليك شلون
چا ياهي الي سما فارس لحلمه
بويه صدگ سميته بس ماطلع فارس لا
طلع وردة اليجي والرايـح ايشمه
وهسه اغلطت واعتذر وآسف
حيل بعد مااعيدها وهذا وعد زلمه
واذا اتگلولي من عنده اتبره تريد
چا بويه انه شنهي ابن امه ابن عمه
گبل صح اليگلي انسى انعل بيه
بس هسه اليگلي انسى انطي رحمه
واقرالك الفاتحة وادعيله وي الغروب
وابوسنه مثل ماابوسن النعمه
اي عمي لأن من عنده شفت هموم
ماشافها اليكتلون ابو وأمه
واهگ بيه مالك غرض مااهواك
وانه واهگ ويا شتريد بالخدمه
بقيت ويا ردت افتهمه يوصل وين!
وگلت هلبت تعدي أيام وافتهمه
وعلى هالرنه ظل لا سمسم اولا ماش
وخلص فلمه وانه مامفتـهمه
منخل طبعه من تخشن اويا يرتاح
يطيحك من يشوفك حچيك امنعمه
حكيم الفريجي
zhr
رد مع اقتباس
المشاركة الأصلية كتبت بواسطة نغم الجبوري
