هنا

[ღ عِشق ღ]

ظلم كسر ضلع . وراثة عدكُم الدمع
نسولف وحده وحده . اليوم مُمكن
طفل سئل طفل . مدينه وكربله وقتل
شفت عبدالله عِنده . اجروح مِحسن
____________________________

ملائكة الصبر . لقاء من العمر . جمعهـم
معانيهم ضمه . على أمهم فاطمه . دمعهـم
شفت گعدوا سوه . هوه يشتم هوه . وضعهـم
جنين ابلا ظهر . رضيع ابلا نحر . وجعهـم

ألم حضن ألم . لقاء العصره والسهم
عليها اعيون تعمه . وروحنه اتون
ورد دمع يهل . بفصول الأربعة فصل
الربيع اوصار إسمه . اجروح مِحسن
____________________________

غده المحسن يون . يسولف بالحزن . منيـه
يعبدالله عشت . يعبدالله متت . سويـه
اهز جذع الرطب . تساقط بس حطب . عليـه
قبل لا انعصر . أكو چويه جمر . بديـه

تره چنت أحس . بحرارة اتصفن الشمس
غطه گلب أمي اليه . بروح يحضن
واحس چنت ضمه . لأن عطشانه
فاطمه
تنادي كلها بيه . جروح محسن
____________________________

وره باب الستر . الوحي ظل يحتضر .
تشهد
سقطت من الألم . سمعته من شِتم . محمد
ينادي قاتلي . غزوا بيتك علي . منو هد
ضحك شاف الدمه . خزرها فاطمه . تعمد

بعد إلي رجع . سحگني ابرجله من طلع
اشعجب ما سلبونه . اهناك اصفن
حقد عمه وغضب . بريئة منهم العرب
صار الباب لونه . اجروح مِحسن
____________________________

انه ميت طحت . وأبد ما لحگت . انازع
جهة وحدة الحرب . وعلي صاحوا غصب . يبايع
بوصيته مافزع ، علي مفرع طلع ، اباوع
تگوم امي وتگع . على خدها انطبع . أصابع

أجت بقت تون . شفتـها وازرگ الجفن
بذاني السطره لسه . صوتها إيرن
يتم قهر حِزن ، انكسرنه كسرة الغصن
محمد شاف نفسه . اجروح مِحسن
____________________________

رضيع أهل الخيم . يجاوب بالألم . حكاية
تمنيتك عشت . يعم محسن شفت .
رزاية
وصلنه لنينوه . نبي ودين ولوه . وعباية
رجعنه للسمه . بچي ونار وضمه . سباية

جرح على الجرح . النضيعه انشوفه عـالرمح
سوه كلنا نزفنه . روس ونـحن
تره إلك ذكر . ابوي ابلا اخو انكسر
بجرح عباس شفنه . اجروح مِحسن
____________________________

علينه الله يحن . نموت احنه بحضن . رحمته
شسولفلك يعم . اجه بنحري السهم . حضنته
يعمي ومن متت . اعله ابوي اتألمت . تركته
زغيرة رگبتي . چبيرة ذبحتي . جرحته

بچه إلي دمع . بكثر ماباچي عالضـلع
اخذني ابخيمه سكته . وصار يدفن
يضلّ ابلا عُمر . اليموت وليده بالزغر
ينادي بويه انته . اجروح مِحسن
____________________________

بوسط هذا الحچي . اكو نبرة بچي . تجيهُم
أبوصالح طلع . قريب وهم سمّع . حچيهُم
يواعدهم وعد . يطالب للأبد . عليهُم
بعد ماكو ألم . بيديّ شفتة لزم . إديهُم

شفت سوة مشوا . زيارة لكربله اعتنوا
قره المهدي اليريده . بصوت يحزن
الم سبي حرم . مكاني خالي بالخيم
واضاف اعله القصيده . اجروح محسن
____________________________

كلمات الشاعر المُبـدع : حمزة السماوي

mp3

zahraa

[نغم الجبوري]

قصيده رائعة
شكرا زهوره الورد