هنا

[ღ عِشق ღ]

بني هاشم گمرهم عيونه الزعل بيهن حله
امروه ينضح جبينه العله اسمه زغيره كربله
چم گنطرة ابنظراته .. چوه السمه بريشاته

دخيلك .. دخيلك .. ياگُمر هاشم
______________________________

الغيور الأشـم .. لاخيه اجه
نحناله وطلب .. طلب بي رجه
الفرس للحرب .. أريد اسرجه

ايهد طلبتـه .. نظـرته .. عشگ بيها وزعل
خويه صـدري .. انته تـدري .. الهوى بيه اشتعل
وگفـو صفـهّ .. احلـه وگفـهّ .. جبل يم جبل
خويه گـله .. أرد أسـله .. وأخيه قبل

شم اخيه وتشكر بوفاضل
لأن خلا يهد
گله تعرف باخيك وحگك
ابزلمهم راح أرد

مايخلف احچاياته ..چوه السمه بريشاته

دخيلك .. دخيلك .. ياگُمر هاشم
______________________________

نهر للنهر .. اعتنه من الخيـم
إعتله مطهمه .. ايتفايض شيـم
ابيمينه يرف .. اشحـلاته العلـم

أتحير الأوصـاف .. بالتخـاف .. من عِنده الحرب
اكشفهه لحسـين .. بالثنيـن .. كشاف الكُرب
والضوه ارتـاح .. عليه صـاح .. هلا بدگةّ الگلب
گـله يمـناي .. تطر هـاي .. شكو ملعب صعب

مرحبتله الحرايب رعبهم
حليف الغانمة
سيفه عاشگ يمينه وطبـرتة
ابمدد يافاطمة

الينتخي ابمولاته .. چوه السمه بريشاته

دخيلك .. دخيلك .. ياگُمر هاشم
______________________________

يعمي العطش .. اشتكن من سمع
الظهر بالسمه .. نجمهم لمع
وعلي كربله .. نفسها انگطع

صاح أرد بـي .. وابـدي .. النهر يم الخيم
ايعطشن اشـلون .. وانه الكـون .. بدي كضة علم
اتبسم اعضـاه .. وحيـاه .. كفو يا أحلى عم
گله انه ادريـك .. بطلّ بيـك .. دنيا من الشيم

حط يمينه اعله راسه لحبيبه
انحنه اهوه ورايتـه
عمهن اهنا يگله ويعطشن
اوعرگت گصته

خيبشرن ابنياته .. چوه السمه بريشاته
دخيلك .. دخيلك .. ياگُمر هاشم
______________________________

يفيّ رايته .. كسر احلى فيّ
ويگل للسبط .. يبعد الصُبيّ
العطش والزلم .. هذني عليّ

تدري عبـاس .. الأنفـاس .. اتـضايگ لو غضب
سيفه معـروف .. بالسيـوف .. يندلّ الرگب
بصارمه النـار .. والحـار .. حاسبهم حطب
گُمر عدنـان .. العِنـان .. ضبه بچفه ضب

وين منوة زلمهم چفتهُم
چفيل أم الخدر
علي ثاني بوفاضل صفاته
يكر وما يفر


حيدر علي بصولاته .. چوه السمه بريشاته
دخيلك .. دخيلك .. ياگُمر هاشم
______________________________

الرعب بالزلم .. انتشر من هتف
انه الموت انه .. وبطلهم رجف
حلف والگُمر .. فعل لو حلف

حيد الافعـال .. قسم گـال .. وحگ أُم الشرف
الملعب اليـوم .. بالدمـوم .. طرف يردم طرف
طر الصفـوف .. والسيـوف .. لمن نوره خطف
العنه ينـگال .. الأفعـال .. يحس گلبه وگف

عفيه أخوي الكفلها تگله
ولا مثلك أخو
ياسگمهم خواتك تباهن
باخوهن يالكفو

الما تنشـگفّ طگاته .. چوه السمه بريشاته
دخيلك .. دخيلك .. ياگُمر هاشم
______________________________

الشعر: لـ مُرتـضى حـرب

تنــزيلmp3

zahraa

[نغم الجبوري]

شكرا جزيلا