هنا

[الملاذ الاخير]

لو رفت بريح تصيح الرايه
يا اهل المواكب اجت مشايه
زواره الحسين يحبها هوايه
يخدام .. يخدام

اشواقي .. جرح باعماقي
لامير عيوني وظنوني ووجداني
لاحزانه .. العشگ ودانه
خيامه براسي وانفاسي التقرالي
المشايه .. حديث الرايه
سلام بروحي وجروحي وعنواني
اعمالي .. ضيوف الغالي
سبب اهاتي ووناتي واحزاني
مولانه الحسين يعالم حابهم
شفاء الامراض يصير اترابهم
تاج وعلى راس نخلي جدامهم
يخدام .. يخدام

ياديني .. ولغز تكويني
عبير ايامي واحلامي ويقضاتي
بجروحه .. وعذابه ابروحه
نزف موضوعي وبدموعي وحسراتي
مشايته .. حزنهم غايته
حبيبي الغالي ودلالي ونبضاتي
ضيفوني يماي اعيوني
امد جفوفي ومعروفي واهاتي
درب السموات نذرها سنينه
شما يتعب حسين يجيله يعينه
وبخدمته هواي فخر ينطينه
يخدام .. يخدام

حياهم .. علي وياهم
اقدم اسنيني وتكويني لحظرتهم
بشفافي وكلامي الدافي
وفرح بعيوني وببجفوني بلمتهم
وبعمري اعزب وانطي
هديه انظاري لخطاري وجيتهم
من كلبي تناثر حبي
رسمت المات وبسمات الاكتهم
وجوه اليزورون اذا متعوبة
بيها عباره الك مكتوبه
يخدم المشاي تطيح ذنوبه
يخدام .. يخدام

زواره اسكنوا بانظاره
حبيبي وروحي ومذبوحي ملاكيهم
بالامه اجو ايتامه
بنزف اوريده وشال ايده وحياهم
عنايه مشوله هوايه
كصد بانظاره لزواره شمحلاهم
بشواكه محنه ناگه
دمعته بعينه برجلينه تعناهم
خدمه المشاي كمال لديني
لو كلي عطشان تعال اسكيني
اتمنى مو ماي اصبله سنيني
يخدام .. يخدام

المحبوبي .. حنان سلوبي
اجسد اخلاقي ومصداقي لخدمتهم
باعلامي .. ارف وايامي
فرح نظراتي ونبضاتي لشوفتهم
محلاهم .. فخر ملگاهم
سمه ودمعاتي ونجماتي بفرحتي
نبضاتي .. قبل خطواتي
ركضن وسنيني التهديني لريحتهم
المشاية ياناس حنينه ايامهة
ويفرح الكلوب رفيف اعلامها
نعمه والحسين عليكم دامهة
يخدام .. يخدام










للاستماع الصوتي MP3

[تشارليز ليلان]

احسنتم النشر

[نغم الجبوري]

شكرا

[علي الواسطي]

شكرا احمد ابدعت

[الملاذ الاخير]

انرتم جميعاً .. شكراً لحضوركم العبق
لا حرمنا من طيب مروركم