و نـعـم مــن كـفـالـهـن حــتــه بمماته
مگطوع نحره و مارضه إيفارك خواته
وجه العشيرة وجه العشيره
****
طايح على شاطي الحزن بس وجهه داره اعله الخيم
ألعنده زينب تنتظر مايهتم الجرح السهم
صح الچفوف إمگطعه بس چفه ماهد العلم
وبنحره من صار الرمح صلى على عيونه الألم
عباس حـتـه امـن إنذبح ظـل إشعلاته
مگطوع نحره و مارضه إيفارك خواته
وجه العشيرة وجه العشيره
*
لو مو يحرگون الخيم لــو مو يگطعون النحر
مايترك إخته اويالغرب النجمه حارسها الكمر
الظل يشعشع عالرمح سالفته سولفها الدهر
صح جسمه غاب بكربله بس وجهه ماغاب بصفر
دور الـدنـيـا والـسـمـه مـاكـو بصفاته
مگطوع نحره و مارضه إيفارك خواته
وجه العشيرة وجه العشيره
*
وياها بدروب السبي ماغمض اعيونه الأخو
إيكلها يا زينب تره اوياچ السهر كلش حلو
يا راحتي ابعز التعب يا غيمه بعيون البدو
إشلون أغمض والخدر إمچتف إچفوفه العدو
عـبـاســچ إيـگـلـهـا تظلين إنـتي أغاته
مگطوع نحره و مارضه إيفارك خواته
وجه العشيرة وجه العشيره
****
هودجها ما بين الغرب ياوسفه صح المايصح
كل خطـوه تنعد بالسبي ألــف وتسع مية جرح
من غيرته اعله أم الخدر دم نحره يحرك بالرمح
بعيونه من شافوا عذر رشوا على اعيونه الملح
كلما يشوف أم الـخـدر تجري دمعاته
مگطوع نحره و مارضه إيفارك خواته
وجه العشيرة وجه العشيره
****
طول الدرب فوك الرمح ثغره يرتل مو عجب
العجبه كل ذاك الدرب مابين إبوجهه التعب
صح راسه ظل إبلا جسد بس الذهب يبقه ذهب
من زينب إتحاچيّ دمع يتبده من عينه العتب
يازينب إنتي الغاليه او صومه وصلاته
مگطوع نحره و مارضه إيفارك خواته
وجه العشيرة وجه العشيره
****
بين الشماته أم الصبر بس خيمه صارلها الكفل
وحسين عينه اعله الخدر ومبين ابوجهه الخجل
من وصلوا القصر العطش ابذاك القصر مدري اشحصل
صعدوا بني هاشم سمه والقصر مدري اشكد نزل
وجه الهواشم من زعل صـار إشحلاته
مگطوع نحره و مارضه إيفارك خواته
وجه العشيرة وجه العشيره
****
الشاعر
سليم الغزالي
تمت ولرب الحسين الحمد
رد مع اقتباس