#مقطوعة نعي عن قمر العشيرة
#مقطوعة نعي عن قمر العشيرة
رد إمن النهر وال قامه محنيه
يبچي والسما حن البواچيه
ياعباس ياخويه أگطعت بيه
ما تنسد يخويه فيتك إعليه
هدم صيوان عباس وگشع فيه
إجه الزينب وجمع كل علاويه
وگلهن نصبن العباس تعزيه
يزينب إنتي نوحي والبچي إعليه
****_****_****_****_
إجيتك للنهر ما گاطعه الياس
بلچن بيك الگه أمن الرجه انفاس
وأنخاك وتشد حيلك يعباس
مثل ما جيت اردن رافعه الراس
لاتقبل يخويه اتشوفني الناس
اجيتك يا بعد روحي وحياتي
وأتعثر گمت من مستحاتي
اخافن من اگع توگع عباتي
لزمني إمن ايدي عباس وطلعني
أسحگت متنه وعله الناگه رفعني
وأنشر رايته إعليه وگبعني
لحد شافني ولحد سمعني
وصلت الكربله ودهري فجعني
آ يالعلگمي طگني وگطعني
#عزیز_الفیصلي
رد مع اقتباس
