وهيچ يم شمّة رگبتك دنيا چانت
بنُص تعب روحي وقهرها
چن هوى لريتي لگيته
عيونك الصعبة بدت تاخذني ڪُلش
طولت بيهن غربتي
وأول دروب السفر يمهن حويته
ليش خليت الأكو والماكو بيه
مِنْ تمُر ينتهي بلحظة
وحتى ثار ضياعي مِنك ما خذيته
ليش طولت السكوت بنُص لقائي
ومن دريت بروحي چلمة
ليش ما خليت موقف ما حچيته
وهسه نترك كل عتب
خل نحچي باليمك أخذني
كل شيء بيك إلي هويته
هيَ شامة بنُص وريدك
وأخذت مِنْ الحيل حيل
لون نظراتك جمعني
وجامع مِنْ الليل ليل
هيَ شامة
وخوفي أگربها وأموت
وأنه مو يونس وأظل بنُص ظلمتي
أصرخ تعدّي بدعوتي
ما بعد يبقالي حوت
بعد ما يبقالي ڪُل شيء
صرت لو أشتاگ مره
الدمعة تستوطن برمشي
يا بعدهم
شمالني يمك ضعت
حجارة چنت أنتَ بطريقي
بنظرة وحده تعثرت
وانتهت هسه وجزتنا
الدنيا والصدفة وحَمد
وحتى لو رايدني گلبك
بعد مو أنه الأرد
AH_BZ
د.أبوعلي النجفي
رد مع اقتباس