جاهز الدرب للمشايه .. وانه مستعد هم
كل سنة المواكب تتطشر .. وبضريحه نلتم
"من چنت طفل گلبي أختاره
هذا منطي روحه لخطاره
وبضربحه نلتم "
نوصل للشباچ افواج
كعبة وزوارك حجاج
نهتف ننزف، يمك نحلف
ما تنسى اليحتاج
بينه العابس وابن القين
بينه الحافظ دربك زين
" مابينه الما يزحفلك "
السجل أسمه بأنصارك فاز
العنده غيرك انذل
من اهلها تتبره الوادم
وانته بالگبر حل
بين الكون اتشع اخباره
هذا منطي روحه لخطاره
وبضربحه نلتم
_____________________________
من زغيري وشديت احزام
وافرح يم صوت الدمام
أنصب موكب، بالدم أكتب
مانبرد هالعام
يحسين اتقبلنا انصار
للحرگتها خيمتها النار
" ردينا نطفيها اخيامك "
كلشي طايح اگبال اعيونك
وانته تنذكر بس
عمري چم دقيقة وحبيتك
گلبي عن بُعـد حس
راسه عالي هنياله الزاره
هذا منطي روحه لخطاره
وبضربحه نلتم
_____________________________
الحط راسه ابراسك ينداس
وتسطره اچفوف العباس
اهجر فجر، سولف حذر
مـا هز شعره ابراس
مانوگف وياها اشلون!
تستاهل فزعتنا أم عون
" ونعيمها الما تبچـيلچ "
نطلب القصر ثار امتوچ
والبواچي والسب
إلا ناخذ الثار مـربع
ماكو شتمة تنذب
المشية يم علي وإلا بداره
هذا منطي روحه لخطاره
وبضربحه نلتم
_____________________________
الزاير كل اليتمنى
كون حسين ايسجله اويا
لو هـد وأرعد، مايـتهدد
والــراية ابيمنا
عايف كلشي وراح ايزور
يفرح من يسمع ماجور
" عافيته اترد يم بابك "
نصبوا المواكب خدامك
واليكرهك انهز
ويه كل محرم خادمكم
ميت ورجع فز
الشيعي فشلة إذا تبرد ناره
هذا منطي روحه لخطاره
وبضربحه نلتم
_____________________________
موقف فرح گلبي هواي
شايب شفته ايوزع ماي
حاضر ناذر، عمره وصاير
أب للراح وجاي
من ايده اشبي لذة الزاد
غير الله يوفقك ماراد
" يهـوايه الـ الله يوفقك "
هجرة الخدم مليونية
من اهلنه للطف
ويه كل مُحرم ننويها
ثورة والجدم خف
حگه يرجع وناخذ ثاره
هذا منطي روحه لخطاره
وبضربحه نلتم "
_____________________________
موكب يوگف استعداد
سفرة من البصرة لبغداد
شايف عايف، ثق ماخايف
بالصعبات استاد
من واسط لو من ذي قار
تتعناله كبار ازغــار
" خلينه احزام ابظـهرك "
عماره حله والديوانيه
وياهن النجف هدّ
كربلة السماوة اوبغـدادّ
احزامي بيهـن انشد
يمشي يم حبيب الله وجاره
هذا منطي روحه لخطاره
وبضربحه نلتم "
_____________________________
كلمات الشاعر / محمد الحميري
< تنــزيلmp3 >
z
رد مع اقتباس
المشاركة الأصلية كتبت بواسطة نغم الجبوري
