النتائج 1 إلى 2 من 2
الموضوع:

كلمات قصيدة عباس لو علي - حيدر البياتي ( مكتوبة +mp3 ) - محرم 1443 - 2021

الزوار من محركات البحث: 6113 المشاهدات : 10410 الردود: 1
جميع روابطنا، مشاركاتنا، صورنا متاحة للزوار دون الحاجة إلى التسجيل ، الابلاغ عن انتهاك - Report a violation
  1. #1
    مراقبة صوتيات درر العراق mp3
    الـجـنـوبـيـة
    تاريخ التسجيل: June-2017
    الدولة: IRAQ`
    الجنس: أنثى
    المشاركات: 16,383 المواضيع: 2,119
    صوتيات: 5469 سوالف عراقية: 2
    التقييم: 24793
    مزاجي: fickle
    المهنة: teacher
    آخر نشاط: منذ يوم مضى
    مقالات المدونة: 2

    كلمات قصيدة عباس لو علي - حيدر البياتي ( مكتوبة +mp3 ) - محرم 1443 - 2021








    ياگاع زلزلي .. عباس لوعلي !
    _____________________________

    أجه ونهرين غيرة شاربلها
    وعلى اشفاف الضمايه شاربلها

    شبل ويحب الملاگه
    باشط يوجع اطراگه
    شط من سيفـه كف راگه
    اعله جلد الماي بينّ شگ
    الزلم بـآيـات تتـطبگ
    تفر اتريد ماتلحـگ
    مثل البردي يبرمها
    الف عار الذي يطمها
    راح أحچيها ماضمها
    وعلي العباس زين شارب الها
    الزلم لبست عبي بالغاضريه

    هالصوت معتلي .. عباس لوعلي !
    _____________________________

    سهم العطش بچ گلبي بچ الماي
    انه أخت الـلو نخيته ايفز بچلماي

    من نحر النحر مايقبل ايحط
    حنطة الروس عنده وسيفه يلگط
    خيل وزلم ماي اوسعف يخبط
    شنهي الماي ويزعل خواته
    بصم اشعير ويحطه ابراحته
    وگف عباس بسمار ابـ لهاته
    غص ما ينبلع ريجه
    وگف والنهر شگ زيجه
    طلب ثاراته الغميجه
    ابگد مابچة عبدالله بچة الماي
    شهگ واختنگ بيد أبن الوفيه

    بي جيش مبتلي .. عباس لوعلي !
    _____________________________

    من أكف الماي صيري أبره تلگطين
    يـديه ومن أهز الشـط تلگـطين

    روس اثگال املصها
    ناوي اعليها اخلصها
    الرگاب اجذوع لو اگصها
    سكارى وماهم اسكاره
    اليفر من سيفي واكتاره
    احطه ابراسه الف شاره
    التسودن والصحه افرزها
    كل الأجت والدزّها
    خبز عالمشرعه أخبزها

    لخلي الزلم من تزحف تلگـ طين
    بـ لحاياهم لنظف الغاضريه

    يغليـهمّ غليّ .. عباس لوعلي !
    _____________________________

    ابسبب دمعي اعلى خدي من سطرته
    طر للنـهر واذكرّ منسه طـرته

    صگر برگابهم حول
    گصب ومتانيه المنجل
    طواها غزل بالمغزل
    زلم والماي والمجمع
    كفخها ضربته امربع
    طگ الزوج ما يرجع
    لضمهم خيط بالأبره
    غدت تتلمس العبره
    نزل لمهم تحت شبره

    يجلد النهر زورگ من سطرته
    اوليومك يزحف اعله الگاع ميه

    يصـلهمّ صليّ .. عباس لوعلي !
    _____________________________

    ذكر عباس لمن زم كـف اخته
    عهدهه الروس أطيرها كـ ـفخته

    چهبها وسيفه بيها ايحـوچ
    يگطف والمنايه اتلـوچ
    تسمع بس صريچ افچـوچ
    من الخوف طـگّ سـنها
    كواغد مو زلم چنـها
    وزن الصوف أخذ منـها
    تصرفن ليها أبو النوماس
    گام ايطگها راس ابراس
    تدري ابسطرة العباس

    شعر ماينبت اعليها .. كفخته
    تصلّ للعظم تترك أثر هيه

    بآلاف مختلي .. عباس لوعلي !
    _____________________________

    بخت حيدر ابوفاضل علا بي
    هذا الگال آنه طالع على أبي

    شمرة العباس شمرة حيدره
    وين ماتلگى تبيـن ثغبره
    من يطب عالجيش تصبح جرجره
    ناس تبلع ريجها الما ينبلع
    الماشلع من يمه راسه ينشلع
    الجيش عد عباس مايسوه ربع
    ناس تركع ناس تخضع
    ناس تطلع ناس ترجع
    حتى تخلص ناس تنزع

    زلم رداها ماعدهه علابي
    تولاها سطر بالغاضريه

    الهم بيه ينجلي .. عباس لوعلي !
    _____________________________

    الشمر من جزه يم التل يخـطبي
    اشردت تحچي اعله بوفاضل يخطبي

    زعل وانتفضت الغيره
    مُعجم صعب تفسيره
    الحومة بيمنته زغيره
    بعثوگ النخل طگها
    والهامات علگها
    طرگ اللبن يطرگها
    ضل واگف على المعبر
    خيمة أختة خط أحمر
    شنهي الشمر والعسكر

    من علباته كض خاله يخط بي
    حد بينّ المخيم وآل أميه

    الطف روس ممتلي .. عباس لوعلي !
    _____________________________

    كلمات الشاعر /
    السيد أحمد النداوي

    تنـــزيلmp3

    z









































  2. #2
    من المشرفين القدامى
    ام جود
    تاريخ التسجيل: March-2021
    الدولة: العراق/بغداد
    الجنس: أنثى
    المشاركات: 5,979 المواضيع: 575
    صوتيات: 6 سوالف عراقية: 2
    التقييم: 7256
    مزاجي: مرتاااحة
    المهنة: ربة منزل
    أكلتي المفضلة: شاورما
    موبايلي: Honor x8
    آخر نشاط: 15/January/2025
    مقالات المدونة: 1
    حبيبتي زوزه شكرا الج

تم تطوير موقع درر العراق بواسطة Samer

قوانين المنتديات العامة

Google+

متصفح Chrome هو الأفضل لتصفح الانترنت في الجوال