هاك راسك وانطيني خدري
مو عتب بس محتاره بأمري
خويه نسيني جروح البيه
أرد أحس ابروحي مامسبيه
يا بوفاضل .. يابو فاضل ..
اشلون تنسينـي .. وسوگ مدخلينـي
فرجة مخلينـي .. يخــويه
اركض عثـروني .. انهض دفعـوني
عباس آذونـي .. يخــويه
من خرابة اطلع ابديوان أطب
وحيل متأذية على طول الدرب
بالحجر بالسوط بحچاية انضرب
ضيمي ياعباس رايدله گلب
تدري هنده منظرها غايب
ابقصر هيه وآنه بخرايب
وبالخـرابه أفا تسير اعليـه
أرد أحس ابروحي مامسبيه
يا بوفاضل .. يابو فاضل ..
_____________________________
تقبل ماتقبلّ .. طحت من الهِزلّ
رادوا مني أنذلّ .. سبوني
مسبيه ابحيره .. من ديره لديره
أركض وچبيره .. سبوني
كلمة المسبيـة گُمت اكـرها حيـل
من يگولوها أحس تسـحگني خيـل
عباس من وگعتك وآنه بالممشه أميـل
والله ياعباس تعبنيّ الهزيـل
خل أگلك عالخافي ظلها
يا بوفاضل شافتها كلها
وكلها صاحت هيه لومو هيه
أرد أحس ابروحي مامسبيه
يا بوفاضل .. يابو فاضل ..
_____________________________
اي راسك جبته .. چا متگوم انته
يالسابين أخته .. دخيـلك
چفك رديته .. بزندك شديته
بسته وحاچيته .. دخيـلك
الزم إيدي وگوم رجعلي الخدر
انته عباس وسبة أختك شمر
كلشي مايوجعني يوجعني الستر
بحجرتي وألبس عباية من اليسر
منك أخجل مو تدري بيه
چا هضيـمه أطلع سبيه
آه متني راسي رجلي أديـه
أرد أحس ابروحي مامسبيه
يا بوفاضل .. يابو فاضل ..
_____________________________
إگعد ياروحي .. داويلي جروحي
ماتسمع نوحي! .. حَبيبي
ليش اتبچينـي .. إگعد حاچينـي
ابكلمة اتراضينـي .. حَبيبي
گوم مو ثار آنه رايدتك هوه
يابوفاضل من متت مات الضوه
هوايه مشـتاگتلك اترف باللوه
وشكثر مشتاگة من نمشي سوه
ابذكرياتي دلالي شيـبّ
يالتگلي ها يُمه زينـبّ
وين حنيتك يبـو الحنيـه !
أرد أحس ابروحي مامسبيه
يا بوفاضل .. يابو فاضل ..
_____________________________
گبرك شيودعه .. الليل ايحب دمعه
راح امشي ابسرعه .. كفيلي
فراگك مو هين .. بعيوني يبين
غير انته حنين .. كفيلي
أمشي عن گبرك گُمت وارجع أنـوح
اشلون اودعك وانته نسماتك تفـوح
الگبرك انظر وابتعد ماعتدي روح
يابو فاضل گلت اغمض بلكي اروح
بالسـلامه ياروحي انته
الـ عالشـريعه التكتل سـكته
للمدينه راح أطـب محنيـه
أرد أحس ابروحي مامسبيه
يا بوفاضل .. يابو فاضل ..
_____________________________
كلمات الشاعر / ميثاق الحمداني
تنــزيلmp3
zahraa
رد مع اقتباس
المشاركة الأصلية كتبت بواسطة نغم الجبوري
