هنا

[ღ عِشق ღ]

حبيبي راح .. مدري شأگول
حبيبي طاح .. بين الخيول

ذبلت اشفافه .. تغيرت اوصافه

حَبيبي راح
__________________________

وجهه گمرة والصبح بي منتشر
بخده مطبوع الغروب اويه الفجر
( وبعد أجمل لونه )
شعره من رسمه ألف يوسف ركع
جفن محبوبي ألف عالم وسع
( ياجمال اعيونه )
ليش لونه مختفي وذبلان حيل
ليش على ذاك الوجه تسحگ الخيل
( عجبة ويسحگونه )
شفافه اترف من اوراق الـورّد
اتمزگت بالعود ماضاگت ورّد
( اختلطت اويه اسنونه )

ضميري ناح .. جماله وين
دليلي صاح .. آياا حُسـين

صعبة يتعافه .. تغيرت اوصافه

حَبيبي راح
__________________________

يللي مجروح ابجرح جرح الجرح
طعنة فوگاها سهم فوگا رُمح
( منكسر بحجاره )
مو عجب موسى يفجر اثنعش عين
حزنك امفجر عيون العالمين
( ابدم دمع يتجاره )
يافرحتي وياسبب مجره الدمع
ابصدرك الدافي ولا خلو ضلع
( مادروا باسراره )
صحت عطشان وعدوك شمت بيك
هاي أشد من العطش اثرت عليك
( ولهب گلبك ناره )

ياحُبي ليش .. وجهك ذبل
وين الجمال .. وذاك الخجل

اللحظة ماعافه .. تغيرت اوصافه

حَبيبي راح
__________________________

يللي ماعرفتك زينب من أجت
انته ابن أمي تگول اتعجبت
( اشصاير ابأحوالك )
وانته مانحچي لإن ميت ضمه
نار المخيم ابگلبك مُضرمه
( وتلتفت لعيالك )
ياغيور وشمر بخواتك يعت
ردت تفزع بس على وجهك طحت
( اهنا اشصار بحالك )
لتشوف بعيونك رُقية من انچوت
ابسوط ضربوا إيد سكنه ولتوت
( اتشوف ركض اطفالك )

عشت مصاب .. مينحمل
رمح سياط .. سبي وهزل

امصابك الشافه .. اتغيرت اوصافه

حَبيبي راح
__________________________

كلمات وأداء / حيدر البياتي

تنــزيلmp3

zhr
❤️

[نغم الجبوري]

عاشت ايدج ع النقل قصيده رائعة

[ღ عِشق ღ]

عاشت ايدج ع النقل قصيده رائعة

شكرا لحضورچ

.