والله، والله، والله
والله لن تمحوا ذكرنه
_____________________________
عقيلتنا ابأسرها شالت الراية
اجت ويه الضعن لحسين مشاية
تنوح وتبچي لكن عدها الف غاية
علي امبربيها بيده وبيها الكفاية
والله، والله، والله
إحنا عالي ايضل ذكرنه
والله، والله، والله
والله لن تمحوا ذكرنه
______________________________
أميره وبت أميره وأخت ابوفاضل
للعيال ابسبيها اصبحت كافل
يزيد اتحير ابـ هالمنطق الكامل
تگله أسمع خطبتي أُيها الجاهل
والله، والله، والله
حسبالك انذل ابيسرنه ؟..
والله، والله، والله
والله لن تمحوا ذكرنه
_____________________________
صحيح اعله المجالس تدخل اچبيـرة
وصحيح الحرة شافت نايبة وحيـرة
لچن وگفت صبورة چنـها ابو الغيـرة
أبد ماچنـها حُرمة اوراحت ايسيـرة
والله، والله، والله
مانوفي هالكعبة بشعرنه
والله، والله، والله
والله لن تمحوا ذكرنه
_____________________________
رغم كبر الجرح مادنگت هامه
وأبـو اليمه ذخـرها لهذي ايامه
حضن صارت چبير وجمعتّ أيتامه
والمسلبها گامت تمشي جدامه
والله، والله، والله
صبر الشمع صاحت صبرنه
والله، والله، والله
والله لن تمحوا ذكرنه
_____________________________
رجع ببها الوكت للشاطي واحزانه
تنادي ياكفيلي خويه هاي آنه
جبت راسك يغالي روحه ذبلانه
وجبت راس الغريب اليابس السانه
والله، والله، والله
ردينه للشاطي ابنصرنه
والله، والله، والله
والله لن تمحوا ذكرنه
_____________________________
للشاعر / علي الإبراهيمي
تنــزيلmp3
z
رد مع اقتباس