العتـاب....يـزينب كُفيّ العتـاب
تـره ذاب...دليـلي من العتبّ ذاب
____________________________
شاطي الفرات بزود طبيته
جمع اليمنعه اعليج شـديته
جود الترستـه اوياي رديته
لچن سال تبده بروس الحرّاب
____________________________
اهم بيـچ يزينب ما أهم بيه
واحسن چببتي بنار مچويه
تبطلي يزينب عتبـچ اعليه
عليچ العصرها النـذل بالباب
____________________________
يخـتي عظيم البينچ وبيني
ومـ انسى الوصيه عليج تدريني
بالسهام يـزينب صوبوا عيني
اشتگولين يخويه بهذا المصاب
____________________________
بسيوف الاراذل راحن اچفوفي
عليچن يزينب ما بطل خـوفي
اديه افگـدتهن وفگدت شـوفّي
عميت وبعيـدّ اعليـه الاگراب
____________________________
چمن لي اللعين و أبن الأرجاس
بـ عمودّ الحديد وهشمّ الراس
وداعًا يـزينب طاح عباس
سود الليـالي والگُمـر غـاب
____________________________
تهاويت على الميمون وهويتّ
تره الگاع بلايه چفوف لاگيتّ
تمنيت اشـوفجـن تمنيتّ
واراويچ جرح بچـلاي ماطاب
____________________________
انا الــ بـالكـلايف عالي الشآن
اجنـدل أبطال وارد فرسـان
تسميت يـزينب گُمر عـَدنان
تدريني أخـوچ الموت ما هـاب
____________________________
سلامي عليچ وعلى الموعوده
بلغيّ چفيـلچ ما نسى وعوده
تهاوه وعليه اچـلاه ممـروده
ويودي إعتذاره اويه الهوه الهاب
____________________________
كلمات الشاعر / عدنان الغزي
رد مع اقتباس
المشاركة الأصلية كتبت بواسطة ৡ⚘أೂـيـر ألـنـ੭ــل⚘ৡ
