هنا

[ღ عِشق ღ]

شظال بيه وظاله .. اندفن هم يالله
بعد شيفيد العمر .. بعد شيفيد العمر
____________________________

أيست من روحي أدري … دمعي ماينفع بعد
منذبح واهس حياتي … والأمل شفته ابتعد
كلشي ميت بية حسرة … وكلشي من خوفي ارتعد
وين رايح بالاحبهم … يازماني اشهلـوعد

طفله مو مالت قهـر ... يازماني اشـهالـسفـر

انتظر گلي اشكثر ! .. بعد شيفيد العمر
______________________________

اندفن كون اعله اثرهم ... لحظة السار الضعن
روحي تطلع من جسدها ... وي خواتي اللي مشن
ظاله المن وشتناطر ... سافر الفيّ والوطن
للگبر انزل گبلهم ... وادفن ايامي البقن

ابگبري ماحاجة لحد ... آنه بس عظم وجلد

آنه ثوب ابنص گبر .. بعد شيفيد العمر
______________________________

چانت امنيتي ابسفرهم ... مهد عبدالله أصير
ولو يحلّ وكت الفريضة... افرش امصلى الأمير
لكن امنيتي وحلمها ... اتبده لحظات المسير
من مسح بيده اعله راسي .. اتيقنـت هذا المصير

مسح راسي وعافنـي ... نزل دمعي وشافنـي

ودار وجهه إعله الخدر ... بعد شيفيد العمر
______________________________

علتّي الأخطر بُعـدهم ... علتّي البيه تطيب
علّة الفرگة المصيـبة ... من تفارگلك حَبيب
ظلمة كلها الدنيا تصبح ... كل وكت مو من تغيب
شيبت روحي والاكثـر .. ماشفت دمعة تشيب

الشيب لاح ثيابي ... وغطه عتبةّ بابي

انفجع صدلّي الصبر .. بعد شيفيد العمر
______________________________

كلمات الشاعر / حيدر جُمعة العيساوي

تحميـلmp3

z

[YAĞMUR]

ٺسلُمْيَنْ زوزاية

[ღ عِشق ღ]

ٺسلُمْيَنْ زوزاية

نورتي حلاوة




.