هنا

[الملاذ الاخير]

احلفك بالعرس .. طفي الشمس وارجع ضوه
تعال وحنتك وي شفتك يبسن سوة
تهلهل كربله .. يجاسم ياهله
يحسين .. يحسين ..



يجاسم طشلي گمره يعريس الخيام
نداء اسم الله يبني يحرسك من تنام
يعريس الهواشم يلمحلي اللثام
اطشلك يادمع مثل الشمع اللي انطفه
ارتب خيمتك ولزفتك يبن الحسن
واشوف المرجله .. يجاسم ياهله
يحسين .. يحسين ..

صواني الحنة ماتت يتلمدلل وراك
تبدت روحي كلها مثل ماي بگفاك
يشوابش الحرايب يالنطشر ضواك
صواني من الخيم طلعن الك كلهن ورد
ابخر يادرب والجيتك اقرا الحمد
الصواني مبللة .. يجاسم يا هلة
يحسين .. يحسين ..

حلم ثوبك حجالي نوارس وانته ماي
اطفي الدنيا لسمك واشعللك ضواي
حرت بين الوصية وابوك ومستحاي
حلم مو بس صدك طاح العرس مثل الدمع
ترد لوًماترد اكضي العمر مثل الشمع
دمعتي مهلهلة .. يجاسم يا هلة
يحسين .. يحسين ..

يالمفهي الملايد يالمطوز جمال
ازفك بالعشيرة للعمامك بس تعال
احلفك بالمضايف واحلفك بالدلال
شمس نحرك طفت مثل البخت طاح اللوة
مثل طيحه مضيف الحلة طاحت والضوة
تبدت بسمله .. يجاسم يا هلة
يحسين .. يحسين ..

عشگ رمله وعمرها يجاسم توه راح
ربتك وتالي ازفك حرام اعلة الرماح
ظهر هاشم كسرته وابوك اعگاله طاح
تبدوا ع الدرب هاشم سوه وطولك غبش
يالمشيب طحت طيحه نده بكاع العطش
عطشتك بالفله .. يجاسم يا هله
يحسين .. يحسين ..



للاستماع الصوتي MP3

..

[YAĞMUR]

عاشت ايدك عالنقل. احمد

[تشارليز ليلان]

شكرا جزيلاً

[الملاذ الاخير]

ام حمودي
مذكرات عاشق

سعيد بحضوركم .. ممتن ياطيبين

[حسن هاشم]

بوركت جهودك اخ احمد الغالي