هنا

[fairy touch]

هل يبدو العنوان غريباً؟
ربما لكن الامر مهم ...
الموضوع موجه للعراقيين ولمن يزرعون الخس بنفس الطرق البدائية ...
مع برودة الجو نزل الخس الى اسواقنا ..لذيذ و ما من احد لا يحبه وما من مائدة ستخلو من سلطته الرائعة والخطرة في نفس الوقت.
احبتي ...الخس يزرع وينمو في التربة ..و مزارعنا تجوبها الكلاب والقطط بلا رقيب ..تلوث الارض بفضلاتها ...المهم هو ما تحتويه هذه الفضلات ...انها بيوض دودة تسمى (اكينو كوكس جرانيولوسس)..
لا تعرفونها؟



ربما لكننا جميعاً نعرف المرض الذي تسببه ...انها الاكياس المائية ...السرطان النائم ..التي تنمو لسنوات طويلة داخل اجسامنا ثم تعلن عن نفسها



..كيف؟

حسب الموقع الذي نما فيه الكيس في البدن ...ففي الرئة ستسبب السعال و الحمى وستخرج محتويات الكيس مع السعال ...وربما تتعقد الامور وتسوء الحال اذا لم ينفجر الكيس قرب قصبة هوائية ..اذ سيكبر ويضغط على الرئة ويسبب انكماشها ...وربما كان هناك اكثر من كيس ..وتخيلوا الحال ..
في الكبد (احد الاماكن المفضلة )..على مبايض المرأة ...في عضلة ...في كل مكان يمكنكم ان تتخيلوه..
تنمو بصمت ...وربما تتعرض للانفجار العَرَضي فتنسكب محتوياتها داخل الحشاء وتنبت مئات الاكياس داخل الجسد ...وينظر اليها هنا كما السرطان ..

واعود للخس ...الخس مشبع بهذه البويضات ..بين اوراقه ..تلتصق بشدة..ويبتلعها الانسان لتحدث الكارثة.

ما العمل؟

لا نأكل الخس؟
لا طبعاً...نغسله جيدا ..ولكن كيف ؟
الماء وحده لا يكفي...فالبويضات ملتصقة ..
المطهرات لا تقتل البويضات ولا شئ يقتلها الا ان تتعرض للشمس لمدة 10 ساعات !!!
انها تقبع بين تلافيف الخس ...

والناس كما اراهم غالبا يدخلون الخس بأطيانه في (سطل ماء) ويخرجونه بكل ثقة ...
الحقيقة ان هذا لا يفيد ابدا ابدا ...

الطريقة الصحيحة :

افتحوا اوراق الخس ..انزعوها ورقة ورقة في ماء دافي و (زاهي )...وادعكوها ببعضها جيدا ..او باليد ولا تبقوا جزءاً مطوياً لا يصله الماء والرغوة ..الرغوة هي الوحيدة التي تسبب انزلاق البويضات...ثم تشطف الاوراق بالماء جيدا جدا ...
ببساطة لا وجود لـ(راس الخس )بعد الغسل ...كل الباقي اوراق فقط ...يمكن ان نتركك اللب الصغير على حاله بشرط ايصال الرغوة الى التلافيف.

ارجو من الجمبع اخذ الموضوع بجدية تامة ولا تعرضوا انفسكم واهلكم واطفالكم للخطر بالاهمال ...

وما علي الا البلاغ...
اتمنى للجميع الصحة والسلامة ..

[EvAnEsCeNcE]

موضوع جدا مهم تسلمي فاير عالتنبيه ممنونين وردة
تقيمي

[fairy touch]

يدللووو...وردة ...ولو انتو اصلا يمكم يزرعوه بتربة خاصة وبرفوف ...مو بالمزرعة ..هاي باميركا هيج ...حسب ما جماعة سولفولي..

[EvAnEsCeNcE]

والله احنا نشتري مسلفن ونضيف وكلشي مابي ونص فواكهم استيراد لان انجماد مو جو مينزرع شي وحتى ما بي طعم
الدور والباقي عالعراق كلة طين وساعة الناس تغسل بي
الله يساعدكم

[عضوية7]

والله احنا نشتري مسلفن ونضيف وكلشي مابي ونص فواكهم استيراد لان انجماد مو جو مينزرع شي وحتى ما بي طعم
الدور والباقي عالعراق كلة طين وساعة الناس تغسل بي
الله يساعدكم

شكرا دكتورة للموضوع المهم
طبعا تعقيبا على رد ايفان
من كنا طلاب اذكر من من نصعد احيانا بالريم
وطبعا ويانا عامة الناس كان اكو بالطريق يبسطون بالخس اكثر شي بالنعمانية
وينزلون السادة اركاب ذكورا واناث ياكلون خس
طريقة الغسل اكو(تنكة) يمررون الخس بيها لمدة 0.3 ثانية بالتنكة اللي مار بيها الف راس خس
وهم مقتنعين ان الخس اطهر من انواع الجراثين والاتربة
طبعا كانت الحالة جدا مثيرة للاشمئزاز بس الحمد لله مدا اشوفها من فترة طويلة
شكرا فرفر وتقبلي تقيمي البسيط

[fairy touch]

العزيز ساليوت:

ما زلت ارى ظاهرتك هذه قرب اصحاب اكشاك اللفات السريعة...والمشاوي ...وبائعي الفلافل ...وهي وان كانت تجري في الشارع ...لكن ما يحدث في البيت ليس بكامل ...الخلاصة انك اذا قدم لك (راس الخس) بترتيبه الرائع ...واوراقه المتماسكة فاعلم انه من الافضل الا تأكله ...فهو رغم جهد من غسله غير نظيف.
تسلم عالمرور والتعليق و التقييم

[Samer]

شكرا إلج دكتورة على الموضوع .. و فعلا موضوع يستحق الالتفات إله و اخذه بعين الاعتبار

بس .. ينطبق هذا الكلام على باقي الخضرة ؟؟؟ مثل الكرفس و الريحان و الكراث و حتى الخضروات اللي تكون ثمارها قريبة من التربة ؟ يا ترى ؟

تقييمي

[fairy touch]

نعم اوراكل ينطبق جدا ...وكلها تغسل بنفس الطريقة ..
شكرا للمرور والتقييم والملاحظة المهمة.

[علي سالم]

الموضوع مهم حقآ
شكرآ الج دكتورة على هذه الألتفاتة الجميلة
والوالدة تعمل بهذا الشيء وتتركه بالماء وقليل من ملح الطعام والرغوة مثل ما اتفضلتي
للتأكد من خلوه من هذه الجراثيم
شكرآ الج مرة اخرى تحياتي وتقييمي البسيط

[وحده من الناس]

شكرا للتنبيه

بس احب اضيف انو كل الخضره مو بي الخس تحتاج للغسل والاهتمام بنظافتها
واكو قسم من انواع الخضره تتاثر بالمواد الكيمياويه يعني تدخل بتركيبهه بسبب اضافتهه بكثره وطبعا اهنا لا رقابه ولا شي لدلك الفلح يضيفون مواد كيمياويه بصوره اكثر من اللازم وطبعا هاي اتاثر على الصحه اكثر من الاتربه


تحياتي