هنا

[الملاذ الاخير]

علي وياك .. علي وياك ..لا توگف المشاية
علي وياك .. علي وياك .. بالك تطيح الراية

راية حسين امانه تره من عضيده
ع النهر ذاك تركها ويه گطعت ايده
افتكر زين يمشاي شنو اللي يريده
بدربك تسير بالايمان يقين تزيده
تضل راية حسين .. تطب للملايين
هالقدام .. هالقدام .. تاج اعلة كل ولاية
علي وياك .. علي وياك ..

هالدرب هذا يوفوه طواف الكعبة
الصادق يكول لمن زار حجيج نحسبه
العارف بهاي يساهد عناية ربه
حكه مضمون حسيني الجليل يكته
المشة وكاصد يزور .. يرد ذنبه مغفور
بالحسين .. بالحسين .. صدق الحديث بهاية
علي وياك .. علي وياك ..

شح الاقدام نسمعه وصدى ترتيلك
تمشي لحسين خطوتين دخر يمشلك
بالكبر ماتكله اجيت دخيلك
وده عباس بلا جفوف يجيك شيلك
يحصنك حضن حيل .. وطن حضن الكفيل
يناديك .. يناديك .. ع الگبة امشي وياية
علي وياك .. علي وياك

خلي عينك بصيره وتشوف دروبك
درب الجنون يدليك على محبوبك
مثل الحرام يمشاي قداسه ثوبك
بيع الدكوع على حسين واخذ مطلوبك
السعر هم يغليه .. ثمن جنه ينطيه
بالكتاب .. بالكتاب .. احلفلك بكل اية
علي وياك .. علي وياك ..

انجان الحسين بالدموع صبح شرايك
احذر اصوات منافق تبدل رايك
بالك تفوت مواكب تقدم جايك
هلبت المهدي بيها ندبته وجايك
تحسه نفس بيك .. تشمه ويدليك
مشة وياك .. مشة وياك .. والغاية نفس الغاية
علي وياك .. علي وياك ..

هالدرب هذا امس بيه هظم علوية
ابلاية عباس والحسين اجت مسبية
يم اخوها تكله جبت ترجيه
بس رقية تركتها بحرابه خطية
اجيت افرس عيون .. درب للي يمشون
يريدون .. يريدون .. ماي الوجه شراية
علي وياك .. علي وياك ..



























للاستماع الصوتي MP3
..

[نغم الجبوري]

بوركت اخ احمد
في ميزان حسناتك

[الملاذ الاخير]

بوركت اخ احمد
في ميزان حسناتك

انرتِ الغالية
سعيد بحضورج ياطيبة

[تشارليز ليلان]

احسنت احمد.