هنا

[الملاذ الاخير]

حرامات حرامات .. يطيح حسين الشكبره
جراحات جراحات .. المثلث لو وصل صده
فيجعات فيجعات
بنات الزهرة والزهرة فجيعات

دمعة بناته الجرحته مايبجي من جرح السهم
صح خله ايده ع النزف بس عينه ظلت ع الحرم
اشفافه يبست جي رقيه صاحته
واطرافه اصابع جرحوهن راوته
وجعته بكلبه ما سمع شحاجته
يعرفون يعرفون .. الرمح مايهتم بجيته
يعرفون يعرفون .. كلمت خوف بي ميته
ويكسرون يكسرون .. ظهره بدمعه بنيته
جراحات .. جراحات ..

لحسين ما يخنگ نفس لا حرمله ولا نبلته
ضاك الهوة بصدره لان عبره اعلة زينب خنگته
ترسوه جروح وهو يرهب منظره
مو خوف خله الجندي يكطع خنصره
علا يسلب عياله راد ياخره
الذبح الصار الذبح صار .. يتقرب على وريده
للزغار للزغار .. حسين يلوح بأيده
على النار على النار .. اعتذر جي طيحتي بعيده
جراحات .. جراحات ..

بكد ما عليه خيل سحكت سحكت عليهم عزته
ع الگاع ضل طايح وصل وماطيحوها هيبته
يصرخ لكل سهم لعياله عبر
ارجع ولتعيش اطفالي بخطر
هاك نحري ولا تمسلهم نحر
بلا مال بلا مال .. يلم والوادم تطشر بالامال
بالاطفال بالاطفال .. يلم وهو متوذر بالاطفال
والعيال والعيال .. شلون بزينب يفكر والعيال
جراحات .. جراحات ..

من ضربوا الجبهة بحجر ظنهم بجة من جبهته
وهو تذكر فاطمة جانت تبوسه بجبهته
مايخوفه الموت صاحت انه هلة
وماخذوا خاتمه گوة بكربلة
عن بناته انطالهم دفعه بلة
علو سماك .. علو سماك .. محد يوصله يگدر
بلياك .. بلياك .. جبير الدنيا بس تزغر
علي وياك .. علي وياك .. يگل لروحه من يعثر
جراحات .. جراحات ..

لف العمامة لو دعه. للباري يكشف هامته
خلو وي ربه انشغل وركضو خذوها اعمامته
يسولف اعلة الگاع ودموعه تصب
ايلوج ظنهم كام كن كثر الضرب
وهو بيها يهدي خافن تنگلب
يصرخون .. يصرخون .. ياهو يذبحه ويريحه
ميدرون .. ميدرون .. حسين يريحه تسبيحة
ويسمعون .. يسمعون .. تعال لزينب تصيحه
جراحات .. جراحات ..

للاستماع الصوتي MP3
..

[ღ عِشق ღ]

شُكراً & جَزاك الله خيرّا

[الملاذ الاخير]

شُكراً & جَزاك الله خيرّا

سعيد بحضورج زهراء
ممتن

[نغم الجبوري]

شكرا جزيلا على النشر

[تشارليز ليلان]

شكرا للجهد.