الموتُ صديقيّ أول الناس انا الموتُ صديقي
احَضر المذبّح واختار على الرُمحِ أنام
جمع النار لنا خِلّفَ الخيام والضحايا قُسمت
1 / گلت هو العُمر گاضي گمت زتيت صحباني
أركض عود الَم واحد ارد يتطشر الثاني
ثگيلة هدومي ما تنشال دمهُم يبس بهدوميّ
يا جثة تعرف صوتي واگللها تعبت گومي
وين الـ يغث روحي بـ مشيتة
بچفوفي للمذبح خذيتة
خُلق الموت لقربآن الطفوف
القلّبُ جفانيّ مَل من كثر الصراعات جفانيّ
خافَ أن يسمع تحتَ الخيل أضلاعً تضيع
او يرى في المعركة كفٌ قطيع والضحايا مُزقِت
2 / شفت كلشي نزف ع الگاع انا وابني وعمة
شفت الـ توه عاف أمة ويرد بس راس يَم أمة
من گد ما الگاع تفور جلد الجثث يچويني
اوگف والهوى من بعيد يدفعني ويدنيني
مو خوش دنيا الغيرتكُم
ربيتكُم تالي خسرتكُم
خُلق الموت لقربآن الطفوف
رفقًا بجروحي كُل رُمحً صار سمً بجروحي
غُرقت عَيني بقتلاً لِم أراهُ بـ انواع النحور
من يجهز هذهِ القتلى قبُّور والضحايا كثرت
3 / شفت بيهُم نقص جثة گلت ما يبقى عبدالله
بَس ينزل من الكاروك أدري الذبح يوصلة
چان السهم مال اكبار وصلت نبلتة الحضني
وصل دَم رگبتة الـراسي وتنگع گماط ابني
من حرورتة كض برگبتي
تلاعب بعد يا طفل بتـي
خُلق الموت لقربآن الطفوف
………………………………
اداء | مُلا حسن خريبط
كلمات | اسامة الفيروز
تـدوين | نادلين
رد مع اقتباس
المشاركة الأصلية كتبت بواسطة شهد
